8 years ago
May 26, 2017
काठमाडौँ (हाम्रो खेलकुद) – अखिल नेपाल फुटबल संघको आयोजनामा २८ जिल्ला सम्मिलित एन्फा महिला लिग च्याम्पियनसिप २०७४ यहि जेठ १६ गतेबाट सुरु हुने भएको छ। सन् २०१८मा आयोजना हुने साफ महिला च्याम्पियनसिपलाई लक्षित गर्दै राष्ट्रिय टोलीको तयारीलाई थप सुदृढ पर्ने उदेश्यका साथ एन्फाले ल्याएको यस कार्यक्रम लिग कम नकआउट पद्दतिमा खेलाइने जानकारी दिइयो। यससँगै अखिल नेपाल फुटबल संघ (एन्फा) ले महिला फुटबललाई वर्षैभरि व्यस्त राख्ने उद्धेश्यले नयाँ संरचनाबाट महिला लिग फुटबल आयोजना गर्ने तयारी थालेको छ ।
जेठ १६ गतेबाट सुरु हुने यस प्रतियोगिताका खेलहरु पाल्पा र स्याङ्जामा खेलिनेछ। उक्त प्रतियोगितामा एन्फासँग आबद्ध विभिन्न २८ जिल्लालाई कुल ८ समुहमा विभाजन गरेर च्याम्पियनसिपका ४ समुहगत खेल पाल्पामा र बाँकी ४ स्याङ्जामा खेलाइनेछ। हरेक समूहमा शीर्ष एक टोलीले मात्र क्वार्टरफाइनलमा प्रवेश पाउनेछ । प्रतियोगिताको फाइनल खेल जेठ २७ गते पाल्पामा खेलिनेछ।
उक्त प्रतियोगितामा राष्ट्रिय टोलीमा रहेका २० खेलाडीहरु मध्येबाट एक टिमले बढीमा दुई जना तथा तीन विभागीय टोलीमा रहेका तर, राष्ट्रिय टिममा नरेहका खेलाडीहरु मध्येबाट पनि बढीमा तीनजना खेलाडीलाई तीनै विभागले स्वीकृति दिई खेलाउन पाउने प्रावधान राखिएको छ ।
उक्त प्रतियोगिताबाट ३० जना उत्कृष्ट खेलाडी छनोट गरी तीन विभागका टिमलाई १०–१० खेलाडीका दरले दुई महिनासम्म विभागमा प्रशिक्षण गराउने व्यवस्था गरिएको छ । प्रशिक्षण दौरान उतकृष्ट खेलाडीहरु निस्किए विभागले राख्न पाउने पनि प्रावधान राखिएको छ । यस्तै तीन विभागको दुई टिम बनाई काठमाडौंमा पहलिोपटक महिला राष्ट्रपति कप लिग खेलाउने एन्फाको योजना छ । त्यही लिगबाट छानिएका खेलाडीले राष्ट्रिय टिमको प्रशिक्षणमा सहभागिता जनाउने एन्फाका प्रमुख कार्यकारी अधिकृत (सिइओ) इन्द्रमान तुलाधरले जानकारी गराए ।
प्रतियोगिताको विजेताले ३ लाख रुपैया प्राप्त गर्नेछन् । यस्तै दोस्रो हुने टोलीले १ लाख ५० हजार प्राप्त गर्नेछन् । प्रतियोगितामा उत्कृष्ट हुने गोलरक्षक, डिफेन्डर, मिडफिल्डर र फरवार्ड र उत्कृष्ट प्रशिक्षकले समान जनही १५–१५ हजार प्राप्त गर्नेछ । प्रतियोगिता सञ्चालन गर्न करिव ६३ लाख खर्च हुने अनुमान एन्फाले गरेको छ । प्रतियोगितालाई कुनै प्रायोजक नरहेपनि फिफा र एएफसीबाट महिला फुटबल बिकासका लागि आएको रकमबाट प्रतियोगिता सञ्चालन गर्न लागिएको एन्फाका अध्यक्ष नरेन्द्र श्रेष्ठले जानकारी गराए ।
March 16, 2025
एजेन्सी – बायर्न म्युनिख जर्मन बुन्डेसलिगामा एफसी युनियन बर्लिनसँग बराबरीमा रोकिएको छ । शीर्ष स्थानको बार्यनलाई शनिवार बर्लिनले १-१ को बराबरीमा रोकेको हो। बर्लिनकोमैदानमा बायर्नका लागि लेरोय सानेले गोल गरे । घरेलु टोलीका लागि भने बेनेडिक्ट होलरबाचले गोल गरे । खेलको ७५औं मिनेटमा बायर्नका सानेले टोलीलाई अग्रता दिलाएका थिए । तर, त्यसको ८ मिनेट पछि […]
March 16, 2025
एजेन्सी – एसी मिलानले इटालियन सिरी ‘ए’ मा कोमोविरुद्ध पुनरागमन जित निकालेको छ । मिलानले शनिवार कोमोलाई २-१ ले हरायो। मिलानले घरेलु मैदानमा कामोविरुद्ध १-० ले पछि परेको स्थितिबाट २ गोल गर्दै पुनरागमन जित हासिल गरेको हो । मिलानको जितमा क्रिस्टियन पुलिसिच र टिज्जानी रेइन्डर्सले गोल गरे । पाहुना टोलीका लागि लुकास कुञ्हा ले गोल […]
March 16, 2025
एजेन्सी – इङ्ग्लिस प्रिमियर लिगमा शनिवार नटिङ्घम फरेस्टले इप्स्विचलाई हराएको छ । नटिङ्घमले रेलिगेसन जोनमा इप्स्विच टाउनमाथि ४–२ को सहज जित हासिल गर्यो । इप्स्विचको मैदानमा नटिङ्घमलाई जितमा दिलाउन एन्टोनी एलाङ्गाले २ तथा निकोला मिलेनकोभिच र जोटा सिल्भाले समान १ गोल गरे । घरेलु टोलीका वुडुकोजेन्स काजस्टे र हर्स्टदिर खुसानोवले गोल गरे । खेलको ३५औं […]
