स्पेन (एजेन्सी) – स्पेनिस ला लिगा अन्तर्गत आइतबार रातिको खेलमा ऐबारलाई ४-२ ले पराजित गरेपनिबार्सिलोना लिग तालिकाको दोश्रो स्थनमा रहँदै सिजनको अन्त्य गर्न बाध्य भएको छ। रियलले मालागालाई २-०ले पराजित गर्दै ३ अंक हासिल गरेपछि २०१६/१७को लिगको शीर्षस्थानमा रहँदै उपाधि हात पारेको हो।

खेलमा २ गोलले पछि परेको स्थितिलाई उल्टाउदै बार्सिलोनाले खेलमा जित दर्ता गर्यो। ताकासी इनुईले खेलको सातौं मिनेटमा पाहुना टोलीलाई अग्रता दिलाएका थिए भने दोश्रो हाफको ६१औं मिनेटमा उनले व्यक्तिगत दोश्रो गोल गर्दै टोलीको अग्रता दोब्बर पारेका थिए।

त्यसको २ मिनेट नबित्दै ऐबारका डेभिड जुनकाले आत्मघाती गोल गरेपछि खेलमा बार्सिलोनाले पुनरागमन गर्ने अवसर पाएको थियो। लिओनेल मेस्सीले ७०औं मिनेटमा पेनाल्टीमार्फत खेललाई बराबरीमा ल्याउने मौका गुमाएपछि बार्सिलोना हारतर्फ उन्मुख देखिएको थियो। तर, लुइस सुअरेजले ७३औं मिनेटमा गोल गर्दै खेललाई बराबरीमा ल्याएका थिए। अन्डेर कापाले खेलको दोश्रो पहेंलो कार्ड पाउँदै मैदान छाडेपछि ऐबार १० खेलाडीमा सिमित भएको थियो।

७५औं मिनेटमा मेस्सिले पेनाल्टीमार्फत गोल गर्दै खेलमा बार्सिलोनालाई अग्रता दिलाएका थिए। उनले पुन: ९०औं मिनेटमा गोल गर्दै बार्सिलोनाको जित सुनिश्चित पारेका थिए।

यस जित संगै बार्सिलोनाले अंक तालिकामा ९० अंक जोड्यो भने रियल ९३अंक सहित शीर्षस्थानमा रहँदै लिग जित्न सफल रह्यो।