ब्राजिल (एजेन्सी) – मेलबर्नमा हुने मैत्रीपुर्ण खेलकालागि छानिएका ब्राजिलियन टोलीमा नेइमार लगायतका अन्य चर्चित अनुहारहरु  समेटिएका छैनन् । खेलाडीलाई विश्राम दिदै ब्राजिलका प्रशिक्षक टिटेले नेइमारलाई अर्जेन्टिना र अस्ट्रेलियासँगको मैत्रीपूर्ण खेलमा समावेश गरेका छैनन् ।

त्यस्तै सामान्य घाइते भएका लिभरपुलका रोबर्टो फर्मिनोलाई पनि टिटेले आराम गर्ने मौका दिएका छन् । मार्किनोस , मिरान्डा , मार्सेलो र ड्यानी अल्भेस पनि खेल्ने छैनन् ।

उनिहरुको स्थानमा मोनाकोका सेन्टर ब्याक जेमर्सन र कोरिन्थियान्सका मिडफिल्डर रोड्रीग्युनोले पहिलो पटक ब्राजिलको टोलीमा मौका पाएका छन् । त्यस्तै चेल्सीका डेभिड लुइज र सिटीका ग्याब्रियल जिससले पुनः स्थान पाएका छन् ।

ब्राजिलले अर्जेन्टिनासँग जुन ९ मा र त्यसको ४ दिन पछि अस्ट्रेलियासँग मेलबर्न क्रिकेट मैदानमा सामाना गर्ने छ ।

ब्राजिलको टोली

गोलकिपर : डिएगो अल्भेस (भ्यालेन्सिया), वेभेल्टन (एथलेटिको-पीआर) , एडर्सन(बेन्फिका)

डिफेनडर : डेभिड लुइज (चेल्सी) , गिल (सान्ड़ोंग लुनेन्ग) , जेमर्सन(मोनाको), रोड्रीगो कावो (सा पोलो) , थिएगो सिल्भा (पीएसजी) , एलेक्स सान्ड्रो(युभेन्टस) , फ्याग्नर (कोरिन्थियान्स), फिलिपे लुइस (एथलेटिको म्याड्रिड), राफिना (बायर्न म्युनिख)

मिडफिल्डर : फर्नान्डिनो (म्यानचेस्टर सिटी), गयुलियानो (जेनित) , लुकास लिमा (सान्तोस) , पौलिन्हो (ग्वानजौ एभरग्रेनेड) , कौटिन्हो(लिभरपुल) , रेनाटो अगस्टो (बेइजिङ गुओन) , रोड्रीग्युनो (कोरिन्थियान्स), विलियन (चेल्सी)

स्ट्राइकर : डिएगो सौजा (एथलेटिको-पीआर), डोगलस कोस्टा (बायर्न म्युनिख) , ग्याब्रियल जिसस (म्यानचेस्टर सिटी), टाईसन (शाक्तार डोनेस्क)