एजेन्सी – यस सिजनको युरोपेली च्याम्पियन्स लिगको उपाधिका लागि स्पेनिस महारथी रियल म्याड्रिड र इटालियन च्याम्पियन युभेन्टस भिड्दैछन्। साविक विजेता रियल म्याड्रिड च्याम्पियन्स लिगको इतिहासमै पहिलोपटक उपाधि रक्षा गर्ने टोली बन्ने दाउमा छ भने युभेन्टस च्याम्पियन्स लिग फाइनलमा लगातार तेश्रो हारबाट बच्ने सुरमा हुनेछ।

संयोगबस यस खेलमा दुवै टोलीका स्ट्राइकर आफ्नो पुर्वक्लबविरुद्ध उत्रदैछन्। युभेन्टसका स्टार स्ट्राइकर गोन्जालो हिगुआइन कुनै समय रियल म्याड्रिडमा व्यावसायिक फुटबल खेल्थे भने म्याड्रिडका युवा स्ट्राइकर अल्भारो मोराटा अघिल्लो सिजन युभेन्टसमा थिए। मोराटा म्याड्रिड फर्किएपछि हिगुआइन युभेन्टस पुगेका थिए।

यी दुवै खेलाडीले रियल म्याड्रिडबाट एकै समय पनि खेलेका थिए। युवा अवस्थाका मोराटा र हिगुआइनले रियल म्याड्रिडमा सिजनका केहि खेल संगै खेलेका थिए। सुरुवाती एघारमा मौका नपाएपछि हिगुआइन् रियल छोडेर नेपालीतर्फ लागेका थिए। पछिल्लो सिजनमात्र हिगुआइन् युभेन्टस आएका हुन्।

अल्भारो मोराटापनि रियल म्याड्रिडमा पहिलो टिमबाट खेल्ने मौका नपाएपछि युभेन्टस लागेका थिए। युभेन्टसमा उत्कृष्ट प्रदर्शन गरेसंगै म्याड्रिडले उनलाई फेरी किनेको थियो। तर यस सिजन मोरटाले निकै कम समय पहिलो टोलीमा खेल्ने मौका पाएका छन्। उनले फाइनलमा पनि वैकल्पिक खेलाडीका रुपमै सुरुवात गर्ने सम्भावना रहेको छ।