भर्खरै समाप्त भएको राष्ट्रिय लिगको अन्तिम दिन विभिन्न चार विधाको उत्कृष्ट खेलाडी र प्रशिक्षकलाई पुरस्कार वितरण गरियो|

माघ महिनामा सुरु भएको लिग विविध कारणले गर्दा प्रत्येक टोलीको १६ खेल समापन हुन नौ महिना लाग्यो| सो अवधिभर उत्कृष्ट प्रदर्शन गर्ने खेलाडीले पाउनुपर्ने पुरस्कारमा एन्फाको पक्षपात देखिएको छ|

त्रिभुवन आर्मी जारी लिगमा नवयुग श्रेष्ठको १४ गोलको मद्दतले सर्वाधिक गोल गर्ने टिम बन्यो| यसका साथै लिग अवधिभरका १६ खेलमा जम्मा ६ गोल खाएका आर्मीका गोलकिपर विकेशले ११ खेलमा कुनै गोल खाएनन्| झापा विरुद्ध डोमालालमा खाएको दुई गोलनै आर्मीको एक मात्र हार हो| आर्मीलाई कतिपय खेलमा निकै महत्वपुर्ण बचाउ गर्दै जित तर्फ डोर्याउने विकेश एन्फाको पक्षपाति छायाँमा परे| लिगमा १२ खेल मात्र खेलेका किरणले उत्कृष्ट गोलकिपरको उपाधि जित्दा उनि स्वयं चकित देखिन्थे| लिगमा केहि खेल नखेलेको, गल्तिहरु पनि भइरहेको र केहि फितलो गोल खाएका कारण किरणको प्रदर्शनलाई यो पटक उपाधिको हकदार नमान्न सकिन्थ्यो| त्यसो त झापाका दिनेश थापा मगरले पनि किरण भन्दा राम्रै प्रदर्शन गरेका थिए|

डिफेन्डरको कुरा गर्दा लिग अवधिभर आर्मीको डिफेन्सलाई सम्हालेका जितेन्द्र राष्ट्रिय टोलीका पनि भविष्य मान्न सकिन्छ| उनको प्रदर्शन पनि लिग अवधिभर उत्कृष्ट रह्यो| उनि खेलेको १५ खेलमा जम्मा ६ गोल खाएको आर्मीले १० खेलमा गोल खाएन| केहि खेलमा म्यान अफ द म्याच घोषित उनले एक गोल पनि गरेका छन्| हुन त लिग अवधिभर कार्ड नखाएका देवेन्द्रको प्रदर्शन पनि राम्रै थियो तर झापाको ठुला टिमसंगको डिफेन्सिभ प्रदर्शन निकै कमजोर देखिएको थियो|

मिडफिल्डरको कुरा आउनेबितिक्कै कोहि पनि लिग हेर्नेको दिमागमा केहि खेलाडीको नाम आउलान् जसमा विशाल राई धेरैको मस्तिष्कमा नआउलान्| १२ खेल खेलेका उनले केहि मात्र खेलमा पुरै ९० मिनेट खेल्न सके| झापा विरुद्धको दुई गोल गरेको खेल वाहेकमा राई औसत नै देखिए| उनको तुलनामा उपाधि विजेता टोलीका जगजित श्रेष्ठ र आर्मीका टेकबहादुर बुढाथोकि निकै राम्रा थिए र टोलीलाई गोल र अशिष्टबाट पनि साथ दिए| तिन खेलमा म्यान अफ द म्याच घोषित जगजितले ठुला टिमविरुद्ध निकै राम्रो प्रदर्शन गरे र लिग अवधिभरै उत्कृष्ट लयमा रहे| आर्मीका टेक बहादुर पनि गोल गर्ने सुचिको पहिलो पाँच नम्बरमै पर्छन्| यसबाहेक टोलीको कतिपय गोलमा उनको ठुलो हात छ| आर्मीको नवयुगलाई चम्काउनमा भरत, टेक र टंकले महत्वपुर्ण भुमिका निभाएका छन्|

उता उत्कृष्ट प्रशिक्षक बनेका राजेन्द्र तामाङले लिग उपाधि जित्ने टोलीको प्रशिक्षक नै उत्कृष्ट हुने प्रवृत्तिलाई जारी राखे| भुकम्प पछिको खेल मात्र सम्हालेका उनले हार भने व्यहोरेनन्| तर १६ खेलमा १मात्र हार व्यहोर्ने आर्मीका मेघराज केसी पनि त्यसका हकदार नै थिए| थ्रि स्टार विरुद्धको खेलमा गरेको व्यवहारका कारण अनुशासन कमिटिको सजाय पाएका कारण पनि उनलाई उपाधि नदिएको अनुमान लगाउन सकिन्छ|