काठमाडौं(हाम्रो खेलकुद) –  रियल म्याड्रिड फाउन्डेसन विश्व फुटबलको महारथी स्पेनिस जाइन्ट रियल म्याड्रिडको प्रशिक्षण शिविर नेपालमा हुने भएको छ ।

शुभारम्भ एजुकेशन एण्ड स्पोर्टस टुर्स प्रालिले नेपालमा पाँच दिने प्रशिक्षण शिविर यही जेठ २२ गतेबाट २६ गतेसम्म मोर्डन इण्डियन स्कुलको खेल मैदानमा हुनेछ । पाँच दिने शिविरमा १८ वर्ष भन्दा मुनिका खेलाडीले भाग लिन पाउने टुर्सका प्रबन्ध निर्देशक विजय कुमार खत्रीले जानकारी गराए ।

शिविरलाई युइएफए ‘ए’ लाइसेन्स प्राप्त स्पेनका ड्यानियल ल्याण्डबुरु रोटेला र राफेल पालासियोसले प्रशिक्षण दिनेछ । शिविरमा सहभागिता हुनका लागि प्रति विद्यार्थी ३५ हजार शुल्क तोकिएको छ । पाँच दिने शिविरमा सहभागी सबैलाई खाना, यातायात तथा रियल म्याड्रिड क्लबको किट प्रदान गरिनेछ । शिविरबाट उत्कृष्ट हुने विद्यार्थीले सिंगापुरमा रहेको रियल म्याड्रिड एकेडेमीको पाँच दिने प्रशिक्षणमा सहभागिता हुने मौका पाउनेछ ।

नेपली राष्ट्रिय क्रिकेट टिमका कप्तान तथा शिविरको सल्लाहकार पारसल खड्काले युवा विद्यार्थीका लागि अघि बढ्ने राम्रो मौका रहेको बताए । यस्ता खालका शिविरको आयोजना र एक्पोजर पाउने हो भने नेपालीहरुले पनि निकट भविष्यमा युरोपतिर खेलेको सुन्न पाउने बताए ।

रियल म्याड्रिड एकेडेमी सिंगापुरका नारायाण बहादुर श्रेष्ठले सिंगापुरको कार्यक्रमलाई नेपालमा तानेको र यसले सफलता हात पारे अरु नयाँ कार्यक्रमहरु प्नि ल्याउने बताए । शिविरलाई युवा तथा खेलकुद मन्त्रालय अन्र्तगतको राष्ट्रिय युवा परिषदले साझेदारी गरेको छ