8 years ago
April 25, 2017
एजेन्सी – मंगलबार राती भएको च्याम्पियनसिपको खेलमा प्रेष्टन नर्थ एण्डलाई ४-१ले पराजित गर्दै न्युकासल युनाइटेडले अर्को सिजन प्रिमिएर लिग खेल्ने पक्का गरेको छ।
गत सिजन प्रिमिएर लिगबाट दोश्रो श्रेणीमा झरेको न्युकासलले प्रशिक्षक राफाएल बेनिटेज लगायत आफ्ना मुख्य खेलाडीहरुलाई क्लबमै राखेको थियो। दोश्रो श्रेणीको लिगको अन्तिम २ चरण बाँकी रहँदै न्युकासलको बढुवा पक्का भएको हो।
अयोजे पेरेजको सातौं मिनेटको गोलसंगै खेलमा अग्रता बनाएपनि प्रेष्टनका ह्युगिलले १४औं मिनेटमा खेललाई बराबरीमा ल्याएका थिए। क्रिस्टिएन आट्सुको ४५औं मिनेटको गोलले घरेलु टोलीले पुन: अग्रता बनाएको थियो। दोश्रो हाफको ७५औं म्याट रिचिले पेनाल्टिबाट गोल गर्दै अग्रता दोब्बर पारे भने त्यसको दुई मिनेटपछि अयोजे पेरेजले पुन: गोल गर्दै जित पक्का गरेका थिए।
यसअघि गत साता मात्र ब्राइटन एण्ड होभ आल्बिएनले प्रिमिएर लिगमा आफ्नो स्थान पक्का गरेको थियो। प्रिमिएर लिगबाट प्रत्यक सिजन ३ टोली घटुवा हुन्छन् भने दोश्रो श्रेणीका ३ टोली बढुवा हुन्छन्। दोश्रो श्रेणीको शीर्ष २ टोली सिधै बढुवा हुने प्रावधान रहेको छ। तेश्रो टोलीको छिनोफानो भने तेश्रो देखि छैठौं स्थानको टोलीबिच प्लेअफ खेलेर निर्धारण गरिन्छ।
ब्राइटनको ४४ खेलमा ९२ अंक छ भने न्युकासलले उत्तिनै खेलमा ८८ अंक जोडेको छ।
March 15, 2025
काठमाडौं (हाम्रो खेलकुद)- चिनियाँ क्लबसँगको मैत्रीपूर्ण खेलका दौरान खुट्टा भाँचिएका नेपाली युवा टोलीका आशिष राईलाई ३ लाख १५ हजार रुपैयाँ हस्तान्तरण गरिएको छ। चिनियाँ नयाँ वर्षको अवसरमा गत महिना दशरथ रंगशालामा भएको खेलमा आशिषको खुट्टा भाँचिएको थियो। पछि उनको खुट्टाको शल्यक्रिया गरिएको थियो। सातदोबाटो स्थित एन्फा कम्प्लेक्समा शनिवार पुरुष राष्ट्रिय फुटबल टोलीका कप्तान किरण चेम्जोङले […]
March 15, 2025
एजेन्सी – अल-नासर साउदी प्रो लिगमा शुक्रवार जित निकाल्दै अंक तालिकाको तेस्रो स्थानमा उक्लिएको छ। घरेलु मैदानमा अल-नासरले अल-खलुदलाई ३-१ ले हराएको हो । अल-नासरका लागि क्रिस्टियानो रोनाल्डो, साडियो माने र जोन डुरानले गोल गरे। नवाफ बु वाशलले ५४औं मिनेटमा दोस्रो पहेँलो कार्ड पाएपछि १० खेलाडीमा सीमित भएपनि अल-नासर ३ खेलपछि पहिलो जित निकाल्न सफल […]
March 14, 2025
काठमाडौं (हाम्रो खेलकुद)- तेश्रो यलम्बर राष्ट्रव्यापी खुला ब्याडमिन्टन प्रतियोगिताको उदघाटनमा आज नेपाली राष्ट्रिय फुटबल टोलीकी चर्चित खेलाडी प्रीति राई सम्मानित भएकी छिन्। नखिपोट युथ क्लबको आयोजित प्रतियोगितामाप्रीतिलाई २५ हजार रुपैयाँ सहित सम्मान गरिएको हो । ललितपुर महानगरपालिका वडा १४ का अध्यक्ष अमृतजंग महत र आयोजक क्लबका कोषाध्यक्ष सुजन राईले प्रीतिलाई प्रशंसा पत्र र नगदसहित सम्मान […]
