लन्डन (एजेन्सी) – टोटेनह्याम हटस्पर्सलाई ४-२ ले हराउदै चेल्सी एफए कपको फाइनल प्रवेश गरेको छ । लण्डन स्थित वेम्ब्ली रंगशालामा भएको खेलमा दुईपटक नतिजा उल्ट्याउने प्रयास गरेपनि स्पर्स सफल हुन सकेन।

इडेन हाजार्डको स्थानमा सुरु गरेका विलियमले चेल्सीलाई सुरुआती अग्रता दिलाए । खेलको पाचौ मिनेटमा विलियनको गोलले पछि परेको टोटेनह्यामले ह्यारी केनको गोलको मद्धतले खेलमा फर्कियो । विलियनले फ्रि-किकलाई सदुपयोग गर्दै सुरुआती अग्रता लिएका थिए भने क्रीस्टियन एरिकसनको पासमा केनलेहेडर मार्फत गोल गर्दै स्पर्सका लागि बराबरी गोल गरेका थिए । बेन डेभिसले भिक्टर मोसेसलाई आफ्नै डी-बक्समा लड़ाएपछि पाएको पेनाल्टीलाई विलियनले गोल गर्दै पहिलो हाफको अन्त्य अघि चेल्सीलाई पुनःअग्रता दिलाए ।

दोस्रो हाफमा अलिको गोलले टोटेनह्यामले खेलमा दोस्रो पटक बराबरी गर्यो। खेलको पहिलो हाफमा गोल गर्ने मौकाहरु सदुपयोग नगरेका अलीले ५३ मिनेटमा एरिक्सनको क्रसलाई जाली तर्फको दिशा दिदै बराबरी गरे । दोस्रो हाफमा हाजार्ड र कोस्टालाई मैदानमा उतारेको चेल्सीले कर्नरमा हाजार्डको गोलबाट खेलमा तेस्रो पटक अग्रता लिन सफल भयो । करिब १८ यार्डबाट हाजार्डले गोल गरे । त्यस्तै स्पर्सको बक्समा डिफेन्डरबाट मार्क नरहेको स्थितिमा म्यातिचले २५ यार्डबाट दर्शनीय गोल गरेपछि टेनह्यामको खेलमा फर्किने आशा समाप्त भएको थियो ।

टोटेनह्यामको यो लगातार सातौ पटक एफए कपको सेमिफाइनलको हार हो भने चेल्सीले आर्सनल वा म्यानचेस्टर सिटीमध्यको विजेतासंग १२ औ पटक एफए कपको फाइनल खेल्दै छ ।