दिपक बोहोरा
फिदिम – विर्ता युनाइटेड झापाले शनिबार प्रथम पाँचथर गोल्ड कपको उपाधि जितेको छ । एपिएफ पूर्वाञ्चललाई टाइब्रेकरमा ४–२ ले हराउँदै विर्ता च्याम्पियन बनेको हो । यसअघि पुसमा फिदिममा नै भएको आठौं फाल्गुनन्द गोल्ड कपको उपाधि पनि विर्ताले नै जितेको थियो ।

उपाधिसहित विर्ताले १ लाख ५० हजार रुपैयाँ प्राप्त गर्यो । एपिएफले १ लाख रुपैयाँ पायो । फिदिम माविको मैदानमा भएको फाइनलमको निर्धारित समयमा दुवै टोलीले गोलरहित बराबरी खेलेका थिए । त्यसपछि निर्णयका लागि सिधै टाइब्रेकरमा लगिएको थियो । सिमसिम पानीले मैदान हिलो बनाएका कारण दुवै टोलीले गोलका लागि प्राप्त अवसर खेर फालेका थिए ।
ट्राइबेकरमा झापाका विशाल राई ,बुद्ध चेम्जोङ , रञ्जित श्रेष्ठ र बिकि चौधरीले गोल गरे । एपिएफका सुसिल राइ र बुद्धिमान राईले मात्र गोल गरे भने उज्वल राईको प्रहार झापाका गोलकिपर दिनेश थापाले रोके । प्रदिप चौधरीको प्रहार पोस्ट नजिकबाट बाहिरीएको थियो । फाइनलमा एपिएफका सुशिल म्यान अफ दी म्याच घोषित भए र उनले २ हजार रुपैयाँ प्राप्त गरे ।

पाँचथर गोल्ड कप २०७४ का उत्कृष्ट खेलाडिहरु

गोल किपर – दिनेश थापा मगर (विर्ता युनाइटेड)
रक्षक – सुशन मुरर (एपिएफ पूर्वाञ्चल)
मिडफिल्डर – योगेश गुरुङ (विर्ता युनाइटेड)
फरवार्ड – बुद्धिमान राई (एपिएएफ पूर्वाञ्चल)
सर्वाधिक गोलकर्ता -विशाल राई (विर्ता युनाइटेड)
सर्वोत्कृष्ट खेलाडी – देवेन्द्र तामाङ (विर्ता युनाइटेड)
उत्कृष्ट सबैले समान ४ हजार रुपैयाँ पुरस्कार जिते ।