राष्ट्रिय लिग अन्तर्गत प्रत्येक पोजिसनका उत्कृष्ट खेलाडीलाई पुरस्कार स्वरुप बाइक दिने प्रावधान रहेको छ| यसै पुरस्कार प्राप्त गर्न लिगमा रहेका मिडफिल्डरहरुको दावेदारी के-कस्तो छ त?

१. जगजित श्रेष्ठ – रुस्लान थ्री स्टार क्लब

जारी लिगमा छ गोल गरिसकेका जगजित थ्री स्टारका लागि एकाग्र प्रदर्शन गर्ने खेलाडी हुन्| टोलीको जितमा सदाजस्तै उनको ठुलै भूमिका हुने गर्छ| फ्रिकिक र कर्नरमा सधैं खतरा निम्त्याउने क्षमता रहेका जगजीत यसअघी मनाङ, फ्रेन्ड्स र हिमालयन शेर्पा क्लबबाट खेलिसकेका छन्| एन्फा एकेडेमीका खेलाडी जगजित राष्ट्रिय टोलीका पनि महत्वपूर्ण सदस्य हुन्| लेफ्ट विंग र राइट विंग दुवैतर्फ उत्तिकै राम्रो खेल्न सक्ने जगजित उत्कृष्ट मिडफिल्डरको दौडमा अगाडी देखिएका छन्|

२. बिशाल राई – लक्ष्मी हुन्डाई मनाङ मर्स्याङ्गदी क्लब

राष्ट्रिय टोलीबाट डेब्यु गरेको खेलमै उत्कृष्ट प्रदर्शन गरेका बिशालले मनाङका लागि पनि राम्रो प्रदर्शन गर्दै छन्| चार गोलसहित मनाङका लागि दोश्रो उच्च गोलकर्ता रहेका विशालको नाममा झापा विरुद्धको जितमा रहेको म्यान अफ द म्याच पनि छ| ठुला खेलमा आफुलाई खरो उतार्न सक्षम राईले मिडफिल्डरको दौडमा कडा दाबेदारी प्रस्तुत गरेका छन|

३. टेक बहादुर बुढाथोकी – त्रिभुवन आर्मी क्लब

लिगमा मिडफिल्डर मध्य सबैभन्दा बढी गोल गर्ने टेक आर्मीका लागि एकदमै महत्वपूर्ण खेलाडी हुन्| राष्ट्रिय टोलीमा पर्न नसकेका बुढाथोकी ठुला खेलमा गोल गर्नपनि माहिर छन्| दायाँ र बायाँ दुवै खुट्टा चलाउन सक्षम रहेका टेक शारीरिक रुपमा पनि एकदमै बलियो छन्| नवयुग र भरत खवासलाई अट्याकमा पनि टेकले धेरै सहयोग गरेका छन्| पुषमा हुने साफ च्याम्पियनशिपमा राष्ट्रिय टोलीमा पर्ने लक्ष्य राखेका बुढाथोकी उत्कृष्ट मिडफिल्डरको उपाधि हात पर्ने सुरमा छन्|

राष्ट्रिय लिगका उत्कृष्ट गोलकिपरका दावेदार

राष्ट्रिय लिगका उत्कृष्ट डिफेन्डरका दावेदार