राष्ट्रिय लिग अन्तर्गत प्रत्येक पोजिसनका उत्कृष्ट खेलाडीलाई पुरस्कार स्वरुप बाइक दिने प्रावधान रहेको छ| यसै पुरस्कार प्राप्त गर्न लिगमा रहेका डिफेन्डरहरुको दावेदारी के-कस्तो छ त?

१. अनन्त तामाङ – सुदुर पश्चिम फुटबल क्लब

एन्फा एकेडेमीका अनन्तले बिगत एक बर्षमा धेरै सफलता हात पारेका छन्| उनले यु-१९ टोलीलाई साफ उपाधि दिलाउने देखि राष्ट्रिय टोलीमा सुरुवाती रोजाइमा परेर भारत बिरुद्ध मैत्रीपुर्ण खेलमा राम्रो प्रदर्शन गरे| लिगमा सुदुरपश्चिमक लागि मुख्य डिफेन्डर रहेका उनले तिन गोल गर्नुका साथ साथै तिन ओटा ‘म्यान अफ द म्याच’ हात परेका छन्| अनन्तको अनुपस्थितिमा सुदुरले खेलेको दुइ खेलमा एकमा छ, अर्कोमा तिन र आर्मी बिरुद्ध अनन्त चोट बोकेर निस्केपछि सात गोल खाएको थियो| सुदुरको डिफेन्सका खम्बा रहेका उनले यो लिगमा निकै राम्रो प्रदर्शन गरेर धेरै प्रसंशा पाएका छन्|

२. जितेन्द्र कार्की – त्रिभुवन आर्मी क्लब

आर्मी क्लब जारी लिगमा सबैभन्दा कम गोल खाने टोलि हो| आर्मीको अहिलेसम्म खेलेका १५ मध्य जम्मा एक खेल गुमाएका कार्कीले टोलीको डिफेन्सलाई राम्रोसंग नियन्त्रण गर्नुका साथै खेल पनि देखाए| एन.आर.टि बाट ए डिभिजन खेलेका कार्की आर्मीमा भर्ति भइसकेका खेलाडी हुन्| राष्ट्रिय टोलीको छनोटमा अन्तिम २३मा पर्न असफल रहेका कार्कीले मिहेनत गरेर टोलीमा पर्ने लक्ष्य राखेका छन्| कहिले युद्ध शाही त कहिले बिकाश तामांग, जोसुकै डिफेन्समा पार्टनर भएपनि कार्कीले राम्रो सहकार्य गरेका थिए|

३. रञ्‍जित धिमाल – थ्री स्टार क्लब

मछिन्द्र बाट थ्री स्टार आएका रंजित यसअघिका क्लबमा विंगस बाट खेल्थे, तर थ्री स्टार आएसंगै लेफ्ट ब्याक खेलेका उनले छोटो समयमै राम्रो प्रदर्शन गरेर राष्ट्रिय टोलीमा परे| जारी लिगमा थ्री स्टारको लेफ्ट डिफेन्समा राम्रो प्रदर्शन गर्दै गरेका रञ्‍जित राष्ट्रिय टोलीमा रबिन श्रेष्ठ घाइते भएको अवस्थामा आफ्नो खेल देखाउन तत्पर छन्| डिफेन्समा हतपत नचुक्ने धिमाल आक्रमक रुपमा पनि बिपक्षी टोलीका लागि निकै खतरनाक हुने गर्छन|

राष्ट्रिय लिगका उत्कृष्ट गोलकिपरका दावेदार

राष्ट्रिय लिगका उत्कृष्ट मिडफिल्डरका दावेदार