लन्डन (एजेन्सी)– चेल्सीका कप्तान जोन टेरीले सिजनको अन्त्यसँगै क्लबसँगको लामो सहकार्यको अन्त्य गर्ने भएका छन् । टेरी र चेल्सीले संयुक्त रुपमा विज्ञप्ती जारी विज्ञप्तीमा सिजनको अन्त्यपछि क्लब छोड्ने जानकारी दिइएको छ ।

‘ एउटा महान क्लबमा २२ बर्ष विताएपछि धेरै भन्नु छ र धेरैलाई धन्यवाद दिनुछ ’ टेरीले चेल्सी एफसी डटकमलाई भनेका छन्,‘प्रशिक्षक, टोलीका साथीहरु, स्टाफ, समर्थकले यत्रो बर्ष निकै साथ दिए । सम्भवत, सबैलाई धन्यवाद दिन सक्दिन ।’ सिजनको अन्त्यपछि क्लबमा नहुने जनाउँदै टेरीले भनेका छन्,‘तर यो सिजनमा सफलता दिलाउन म टोलीलाई सहयोग गर्न प्रतिबद्ध छु ।’ पाँचौं पटक लिग उपाधि जित्ने अभियानमा रहेको चेल्सीका लागि एन्टोनियो कोन्टेको नेतृत्वमा टेरीले यो सिजन ५ पटकमा खेल्ने मौका पाएका छन् ।

‘उनी असाधारण खेलाडी, प्रेरणादायी कप्तान र सतप्रतिशत प्रतिबद्धता भएका खेलाडी हुन्’ टेरीका बारेमाक्लबका निर्देशक मारिना ग्रानोभस्केयिाले भने, ‘उनको कप्तानीमा टालीले विश्वकै उत्कृष्ट टोलीमध्येको एकको छवि बनाएको थियो । उनको योगदानको उच्च कदर हुनेछ र भविष्यमा पनि उनलाई क्लबमा स्वागत गर्न पाउने विश्वास छ ।’