म्यानचेस्टर (एजेन्सी) – म्यानचेस्टर युनाइटेडले प्रिमियर लिग आज शीर्ष स्थानको चेल्सीलाई २–० ले पराजित गरेको छ । यो सिजनमा अघिल्ला दुई खेलमा चेल्सीले युनाइटेडलाई हराएको थियो । युनाइटेडले चेल्सीलाई ९ खेलयता पहिलो पटक हराएको छ ।

खेल सुरु हुन अगाडि वार्मअपमा नियमित रक्षक मार्कस ओलन्सो घाइते भएपछि चेल्सीको रक्षापक्ति सुरुआतबाट कमजोर देखिएको थियो । त्यसको फाइदा युनाइटेडले खेलको सुरुआतमै लियो । १९ बर्षीय फरवार्ड मार्कस रस्फर्डले ७औ मिनेटमा गोल गरेका थिए । एण्डर हरेराले दिएको बललाई डेभिड लुइज र गोलकिपर बेगोभिचलाई कुनै मौका नदिई रस्फर्डले गोल गरेका थिए।

। दोस्रो हाफको चौथो मिनेटमा युनाइटेडका लागि हरेराले गोल गर्दै अन्तरलाई दोब्बर पारे । १८ यार्ड बक्स भित्रबाट हरेराले प्रहार गरेको बल चेल्सीका रक्षक जुमालाई लागेर दिशा परिवर्तन हुदै जाली चुमेको थियो । खेलभर चेल्सीले कुनैपनि राम्रो मुभ बनाउन सकेन।

आइतबारकै अर्को खेलमा लिभपुलले वेस्ट ब्रुमविचलाई १–० ले हराउँदै तेस्रो स्थानमा उक्लेको छ । लिगका अन्तिम ६ खेल बाँकी रहँदा शीर्षस्थानको चेल्सी (७५ अंक) को दोस्रो स्थानको टोटेनह्यामको भन्दा ४ अंक बढी छ । ६० अंकसहित युनाइटेड पाँचौं स्थानमा छ भने म्यानचेस्रट सिटी ६४ अंकसहित चौथो स्थानमा छ । सिटीले युनाइटेडले भन्दा एक खेल बढी खेलेको छ । लिभरपुलको ६६ अंक छ ।