दिपक बोहोरा
फिदिम– एपिएफ पूर्वाञ्चल प्रथम पाँचथर गोल्डकप फुटबल प्रतियोगिताको सेमिफाइनलमा पुगेको छ । आयोजक पाँचथर क्लब पाँचथरलाई शनिबार २–१ ले हराउँदै एपिएफ प्रतियोगिताको अन्तिम चारमा पुगेको हो ।

फिदिम उच्च मावि मैदानमा भएको खेलमा एपिएफका उज्वल राई र सुशिल राईले गोल गरेका थिए । खेलको ५१ औ मिनेटमा एपिएफका उज्वलले फ्रिकिकमा पहिलो गोल गरे । त्यसको ६ मिनेटमा पछि सुशिलले गोल गरेका थिए । सुशिलले विपक्षी रक्षकलाई छलाउँदै गोल गरेका थिए ।

खेलको अन्त्यतिर आयोजक टोलीका लागि नरेश सम्हाफेले गोल फर्काएका थिए । सिमसिम पानी परेर खेलमैदान हिलो हुदाँ दुवै टोलीलाई खेल कठिन भएको थियो । पाँचथर क्लबका प्रशिक्षक सुमन कुँवरले राम्रो खेल्दा खेल्दै टोली पराजित भएको बताए ।

एपिएफका प्रशिक्षक बलबहादुर गुरुङले मौसम प्रतिकुल हुनका वावजुद टोलीले सफलता प्राप्त गरेको र आउने खेलमा अझै राम्रो गर्नु पर्ने बताए । एपिएफका सुशिल खेलको म्यान अफ दी म्याच घोषित भए र २ हजार रुपैयाँ प्राप्त गरे ।

सांसद भिष् राज आङदेम्बेले प्रतियोगिताको उद्घाटन गरेका थिए । बैशाख ९ गते सम्म चल्ने प्रतियोगिताको जिेताले १ लाख ५० हजार र दोस्रो हुने टोलीले १ लाख रुपैयाँ प्राप्त गर्नेछ ।

पाँचथर गोल्डकपमा आइतबारको खेल
रेडहर्स इलामविरुछ डिएफसी, मोरङ