म्युनिख (एजेन्सी)– खेल जीवनमा थुप्रै पुरस्कार र सम्मान जितिसकेका रियल मड्रिडका क्रिस्टियानो रोनाल्डोले च्याम्पियन्स लिगमा एक सय गोल पुरा गर्ने अर्को कीर्तिमान बनाएका छन् । ११ बर्ष आठ महिनामा च्याम्पियन्स लिगका १ सय ४३ खेलमा १ सय गोल पुरा गरेका रोनाल्डोले पछिल्लो ५० गोल मात्र ४७ खेलमा गरेका थिए ।

आज बिहान बार्यन म्युनिखविरुद्ध च्याम्पियन्स लिग क्वार्टरफाइनलको पहिलो लेगमा रियलले २–१ ले जित्दा दुवै गोल रोनाल्डोले नै गरेका थिए । च्याम्पियन्स लिगको सर्वाधिक गोल गर्ने सुचिमा रोनाल्डोसँग एकदमै निकट बार्सिलोनाका लियोनल मेस्सी रहेका छन् ।

अबको सय गोल पुरा गर्नेमा उनकै नाम रहने लगभग निश्चित छ । मेस्सीले १ सय १८ खेलमा ९७ गोल गरिसकेका छन् । रियलले क्वार्टरफाइनलमा २–१ अग्रता लिदा अघिल्लो दिन मेस्सीको बार्सिलोना भन्दा युभेन्ट्ससँग ३–० ले स्तब्ध भएको थियो ।
सन् २००५ अगस्ट ९ को च्याम्यियन्स लिग खेलमा म्यानचेस्टर युनाइटेडले डेब्रेकेनलाई ३–० ले हराउँदा पोर्चुगलका फरवार्ड रोनाल्डोले पहिलो पटक गोल गरेका थिए । २०१३ मा गालातासारेविरुद्ध २ गोल गर्दै उनले ५० गोल पुरा गरेका थिए । पहिलो ५० गोलका लागि उनले ९६ खेल कुर्नपरेको थियो । म्यानचेस्टर युनाइटेड र स्पोर्टिङ लिस्बनबाट ३२ खेल खेल्दा च्याम्प्यिन्स लिगमा उनले १ गोलमात्र गर्न सकेका थिए । च्याम्पियन्स लिगमा रोनाल्डोले १६ गोल युनाइटेड र बाँकी रियलबाट गरेका हुन्।

च्याम्पियन्स लिगका सर्वाधिक गोल गर्ने खेलाडी
१००– क्रिस्टिायोनो रोनाल्डो (१ सय ४३ खेल)
९७– लियोनल मेस्सी (१ सय १८)
७६– राउल गोन्जालेज (१ सय ५८)
७०– फिलिप्पो इन्जागी (१ सय १४)
६२– रुड भान निस्टेलरोय (९२)
६१– र्गेड मुल (६९)
५९– थएरी हेनरी (१ सय ४०)
५९– हेनरिक लार्सन (१ सय ८)
५६– ज्लाटान इब्राहिमोभिच (१ सय ३६)
५४– युसियिबो (७०)
५३– एलेसान्द्रो डे पिर्लो (१ सय २९)
५१– करिम बेन्जिमा (९३)
५०– डिडिएर ड्रोग्बा (१ सय २)
५०– क्लास जान हुन्टेलर (८२)

अहिले खेल जीवनमा सक्रिय (रोनाल्डो, मेस्सी, इब्राहिमोभिच, बेन्जिमा, हुन्टेलर)