आफ्नो बाकी तिनै खेल जिते उपादी जित्ने निश्चित रहेको थ्री स्टार जित भन्दा कमको नतिजाको अपेक्षामा छैन

मनाङ बिरुद्ध निकै रोमान्चक खेलमा हार अंगालेको झापा जारी राष्ट्रिय लिगमा रुस्लान थ्री स्टार क्लब बिरुद्ध भिड्दै छ  ।

उपादिको लक्ष्य लिएको झापा आफ्नो जित संगसंगै अरुको खेलमा पनि निर्भर रहनु पर्ने छ । १४ खेल खेलिसकेको झापा २४ अंकसंगै ४औ स्थानमा छ जुन लिगको पहिलो स्थानमा रहेको आर्मी भन्दा ३ कम हो ।

त्यसैगरी आफ्नो बाकी तिनै खेल जिते उपादी जित्ने निश्चित रहेको थ्री स्टार जित भन्दा कमको नतिजाको अपेक्षामा छैन ।

१३ खेलको समाप्तीमा थ्री स्टारको ७ जित संगै २६ अंक छ र आजको खेलामा जित्न सफल भए थ्री स्टार पुर्ण लिगको पहिलो स्थानमा पुग्ने छ ।

थ्री स्टार आफ्नो प्रतिबन्दित कप्तान सागर थाप बिना मैदानमा उत्रने छ ।  रेफ्री श्रवण लामालाई अपसब्ध बोलेको सागर थापा आफ्नो २ खेल प्रतिबन्दको अन्तिम खेल पुरा गर्दै छन् ।

यसअघी झापाको घरेलु मैदानमा खेलिएको खेलमा दुइ टिम बिचको खेल गोल रहित बरबारीमा टुंगिएको थियो ।

मानङसँग पहिलो पल्ट टर्फमा खेलेको झापालाई थ्री स्टारसँग भने अलि सजिलो हुन सक्ने अपेक्षा गरिएको छ ।

यस अघी मोरङबिरुद्ध विश्राममा रखिएका पिटर सेगुन झापाबिरुद्धको महत्वपुर्ण खेलमा भने फर्किने छन भने सन्तोश साहुखल पनि उपलब्ध हुनेछन ।

८ गोल गरेका सन्तोश १२ गोल गरिसकेको कर्ण लिम्बु र ११ गोलको साथ दोस्रो स्थानमा रहेको नवयुगलाई पछ्याउदै लिगको शीर्ष गोल कर्ता बन्ने दाउमा हुनेछन  ।