बोर्नमाउथ (एजेन्सी)– चेल्सी प्रिमियर लिग उपाधिको अझै नजिक पुगेको छ । एफसी बोर्नमाउथलाई शनिबार ३–१ ले हराउँदै शीर्षस्थानको चेल्सीले दोस्रो स्थानको टोनेनह्याममाथि पुनः ७ अंकको अग्रता लिएको छ । प्रिमियर लिगमा अन्तिम ७ खेल खेल्न बाँकी रहेको चेल्सीको ७५ अंक पुगेको छ ।

शनिबारनै अर्को खेलमा वार्डफोर्डमाथि ४–० को जित निकाल्दै टोटेनह्यामले चेल्सीसँगको अंक दुरी ४ मा झारेको थियो । तर, चेल्सीले जितसँगै पुनः अंक अन्तरलाई पुरानै अवस्थामा पुराएको थियो ।

एडम स्थिमको आत्मघाती गोलबाट चेल्सीले खेलमा अग्रता लिएको थियो । स्थिमले १७ औं मिनेटमा आफ्नै पोस्टमा गोल गरेका थिए । एडन हाजार्डले २० औ मिनेटमा र मार्कोस अलन्सोले ६८ औं मिनेटमा गोल गर्दै चेल्सीलाई ३–० को अग्रता दिलाएका थिए । हाजार्डले चेल्सीका गरेको त्यो सिजनको १४ औं गोल थियो । अलन्सोले फ्रिकिकमा गोल गरेका थिए ।

१५ औं स्थानमा रहेको बोर्नमाउथको रेलिगेसन क्षेत्रमा रहेको टोलीको भन्दा ७ अंक बढी छ । प्रिमियर लिगका शनिबारका अन्य खेलमा म्यानचेस्टर सिटीले हल सिटीर्ला ३–१ ले, लिभरपुलले स्टोक सिटीलाई २–१, साउथ ह्याम्प्टनले वेस्ट ब्रुमविचलाई १–० ले, वेस्ट ह्याम युनाइटेडले स्वान्सी सिटीलाई १–० ले हराएको छ भने मिडल्सब्रो र बनर्लीले गोलरहित बराबरी खेलेका थिए ।