मड्रिड (एजेन्सी)– अल्भारो मोराटाको ह्याट्रिकमा रियल मड्रिडले लेगानेसलाई ४–२ ले हराउँदै पुनः लिगको शीर्षस्थानमा फर्केको छ । रियलको जितअघि सेभिल्लालाई ३–० ले हराउँदै बार्सिलोना केही समयका लागि शीर्षस्थनमा उक्लेको थियो ।

यो महिना एट्लेटिको मड्रिड , बायर्न म्युनिख र बार्सिलोनाको सामना गर्नुपर्ने भएकोले जिनेदिन जिदानले स्टार खेलाडी गेराथ बेल र क्रिस्टियानो रोनाल्डोलाई गए रातीको खेलमा आराम दिएका थिए । अघिल्लो खेल भन्दा ९ खेलाडी परिवर्तन गरेको रियलले १५ औं हामेस रोड्रिग्ेजको गोलबाट अग्रता लिएको थियो । रोड्रीगुएजको गोलमा अग्रता लिएको थियो । मोराटाले १८ औं र २३ औं मिनेटमा गोल गरेपछ रियलले ३–० ले अग्रता लिएको थियो ।

तीन गोलले पछि परेपनि दुई मिनेटको फरकमा दुई गोल गर्दै घरेलु टोलीले खेलमा फर्कने प्रयास गरेको थियो । ३२ औं मिनेटमा ग्याब्रियल पेरेजले लेगानेसको पहिलो गोल गरे भने त्यसको मिनेट नबित्दै लुसियानो लेभेसले अर्को गोल गरे ।

दोस्रो हाफको सुरुवातमा मोराटाले गोल गर्दै रियलको अग्रतालाई पुनः फराकिलो पारे । उनले ४८ औं मिनेटमा उनले ह्याट्रिक पुरा गरे भने रियलले ला लिगामा लगातार छैटौं जित आत्मसात गर्यो ।

बार्सिलोना भन्दा १ खेल कम खेलको शीर्षस्थानको रियलको ७१ अंक छ । दोस्रो स्थानको बार्सिलोनाको ६९ अंक छ ।

ला लिगामा बुधबारका अन्य खेलमा एट्लेटिको मड्रिडले रियल सोसिडाडलाई ,भिल्लारियलले रियल बेट्सिलाई, ओसासुनाले अल्भेसलाई र मालागाले स्पोर्टिङ गिजोनलाई समान १ –० ले हरायो भने ग्रानाडा र डिर्पोटिभो ला कुरुनाले गोलरहित बराबरी खेले ।

हाइलास्ट्स