8 years ago
April 5, 2017
दिपक बोहोरा
इलाम – त्रिभुवन आर्मी क्लब जारी सिजनमा नकआउट फुटबल प्रतियोगिताको चौथो उपाधि नजिक पुगेको छ । अर्को विभागिय टोली नेपाल पुलिस क्लबलाई बुधबार २–० ले हराउँदै आर्मी इलाममा जारी टुबोर्ग तेस्रो माईभ्याली गोल्ड कप फुटबल प्रतियोगिताको फाइनलमा पुगेको छ ।
टंक बस्नेत र सन्तोष तामाङको गोलमा आर्मीले अन्तिम दुईको यात्रा तय गरेको थियो । क्वार्टरफाइनलमा सिजनको सर्वाधिक सफल टोली लक्ष्मी हुन्डाई मनाङ मस्र्याङ्दीलाई स्तब्ध बनाएको पुलिस विभागिय डर्बीमा भने कमजोर देखियो । अब आर्मीले अर्को विभागिय टोली नेपाल एपिएफ र रमपम झापा ११ को विजेतासँग शनिबार फाइनल खेल्नेछ ।
ठूलो टुडिखेलमा मंगलबारको पहिलो सेमिफाइलनमा पहिलो हाफमा टंकले गोल गर्दै आर्मीलाई अग्रता दिलाएका थिए । टंकले ४२ औं मिनेटमा गोल गरेका थिए । सन्तोषले ७३ औं मिनेटमा गोलअन्तरलाई दोब्बर पारे । रिबाउन्डमा प्राप्त बलमा सन्तोषले गोल गरेका थिए । म्यान अफ दी म्याच घोषित आर्मीका विमल पाण्डेले ७ हजार रुपैयाँ प्राप्त गरे ।
माईभ्यालीको उपाधि जिते आर्मीले सर्वाधिक सफल टोली मनाङसँग बराबरी गर्नेछ । यो सिजन आर्मीले चितवनमा नेपाल कप, दुबही गोल्ड कप र त्यसपछि पुसमा हेटौडा गोल्डकपको उपाधि जितेको थियो । त्यस्तै गत साता राजर्षि जनक कपको उपाधि जितेको मनाङले त्यसअघि सुदूरपश्चिम खप्तड गोल्ड कप, आहा गोल्ड कप र रमपम गोल्डकप जितेको थियो ।
इलाम जिल्ला फुटबल संघ र माइभ्याली फुटबल क्लबको संयुक्त आयोजनामा जारी माईभ्याली गोल्ड कपको विजेताले उपाधिसहित ४ लाख र दोस्रो हुने टोलीले २ लाख ५० हजार रुपैयाँ प्राप्त गर्नेछ ।
माईभ्याली गोल्ड कपमा बिहीबारको दोस्रो सेमिफाइनल
नेपाल एपिएफविरुद्ध झापा ११
March 25, 2025
काठमाडौं (हाम्रो खेलकुद) – नेपाली राष्ट्रिय फुटबल टोलीले एएफसी एसियन कप छनोटको समूह चरण अन्तर्गत पहिलो खेलमा मलेसियासँग २-० को हार बेहोर्यो । मलेसियाको जोहोर बारूस्थित सुल्तान इब्राहिम रंगशालामा नेपाल २-० ले पराजित भएको हो । पहिलो हाफमा १-० को अग्रता लिएको मलेसियाले दोस्रो हाफमा अर्को गोल थपेको थियो । मलेसियाका लागि पहिलो हाफमा हेक्टर […]
March 25, 2025
काठमाडौं (हाम्रो खेलकुद) – एएफसी एसियन कप २०२७ को छनोट चरण अन्तर्गत समूहको पहिलो खेलमा नेपाल मलेसियासँग पराजित भएको छ । मलेसियाको जोहोर बारूस्थित सुल्तान इब्राहिम रंगशालामा नेपाल २-० ले पराजित भएको हो । पहिलो हाफमा १-० को अग्रता लिएको मलेसियाले दोस्रो हाफमा अर्को गोल थपेको थियो । खेलको २९ औं मिनेटमा घरेलु टोलीले अग्रता […]
March 25, 2025
सुमन अधिकारी, बुटवल मच्छिन्द्र एफसी रुपन्देहीमा जारी २३ औं तिलोत्तमा गोल्ड कप फुटबल प्रतियोगिताको सेमिफाइनल पुगेको छ। भारतको अडोर्न गडवा स्पोर्टिङ क्लबलाई आज १-० ले हराउँदै मच्छिन्द्र अन्तिम चारमा पुगेको हो । योसँगै प्रतियोगिताको सेमिफाइनल समीकरण पूरा भएको छ। देविनगरस्थित एन्फा टेक्निकल खेलमैदानमा भएको रोमान्चक खेलमा मच्छिन्द्रको जितमा राजिव लोक्चन एकमात्र गोले गरेका हुन । […]
