साउ पोउलो (एजेन्सी)– विश्व कप दक्षिण अमेरिकी छनोटमा बुधबार ब्राजिलले सहज जित हासिल गरेको छ । पाराग्वेलाई ३–० ले हराएको ब्राजिल अंक तालिकाको शीर्षस्थानमा थप मजबुद बनको छ । १४ खेलमा १० जित, ३ बराबरी र एक खेलमा मात्र हार बेहोरेको ब्राजिलको ३३ अंक छ । त्यो दोस्रो स्थानको कोलम्बियाको भन्दा ९ अंकले बढी हो ।

ब्राजिललाई जित दिलाउन फिलीले कौटिन्ह्यो , नेमार र मार्सेलोले गोल गरे । पहिलो हाफमा कौटिन्ह्योको गोलमा अग्रता लिएको घरेलु टोलीले दोस्रो हाफमा नेमार र मार्सेलोको गोल गरे । ३४ औं मिनेटमा पौलिन्ह्योको पासलाई सदुपयोग गर्दै लिभरपुलका मिडफिल्डर कौटिन्ह्योले उत्कृष्ट गोल गरेका थिए ।

दोस्रो हाफमा पेनाल्टीमा गोल गर्न चुकेका नमारले ६४ औं मिनेटमा गोल गर्दै ब्राजिलको अग्रता दोब्बर गरे । कौटिन्ह्योसँगको राम्रो तालमेलमा नेमारले गोल गरेका हुन् । खेल सकिन ४ मिनेट बाँकी रहँदा रियल मड्रिडका फुल ब्याक मार्सेलोले टोलीका लागि अन्तिम गोल गरेका हुन् । पौलिन्ह्योको ब्याक हिल पासलाई सदुपयोग गर्दै मार्सेलोले अगाडी बढेर गरेको चिप विपक्षी किपरको माथिबाट गएर गोलमा परिणत भएको थियो ।

यो जितसँगै ब्राजिलको विश्व कप यात्रा लगभग निश्चित भएको छ । १० राष्ट्र सम्मिलित दक्षिण अमेरिकी छनोटमा अर्जेन्टिना १२ खेलबाट १९ अंकका साथ अर्जेन्टिनाभन्दा अघि चिली चौथो स्थानमा छ । दक्षिण अमेरिकाबाट शीर्ष चार टोली स्वतः विश्वकपमा छनोट हुनेछन् । पाँचौं टोलीले प्ले अफ खेल्नु पर्नेछ ।