काठमाडौं (हाम्रो खेलकुद) – खेलाडी र अहिले व्यवस्थापकका नाममा विराटजंग शाही नेपाली फुटबलका सदावहार व्यक्तित्व मध्येका एक हुन् । नेपाली फुटबल जगतमा उनलाई ‘लक्की मेनेजर’ रुपमा पनि हेरिन्छ । सन् १९९३ पछि नेपालले लामो समय फुटबलको कुनै पनि उपाधि जित्न सकेको थिएन ।

पछिल्लो दुई बर्षमा भने नेपालले फुटबलमा अपेक्षा गरेभन्दा पनि ठूलो सफलता प्राप्त गरेको थियो । गत बर्ष भदौंमा साफ यू १९ उपाधि जितेर सुरु भएको नेपालको सफलताको यात्रा माघमा बंगलादेशमा बंगबन्धु गोल्डकप, फागुनमा भारतमा १२ औं दक्षिण एसियाली खेलकुद (साग) मा यू २३ ले स्वर्ण पदक र यसै बर्षको कात्तिकमा राष्ट्रिय टोलीले मलेसियामा एएफसी सोलिडारिटी कपमा उपाधि जितेर टुंगिएको थियो ।

यू १९ बाहेक पछिल्ला तीनै उपाधि जित्दा अखिल नेपाल फुटबल संघ (एन्फा) का कोषाध्यक्ष समेत रहेका शाह नै व्यवस्थापक थिए । यू १९ मा भने दिवाकर घलेले व्यवस्थापकको भूमिका निर्वाह गरेका थिए ।

उनै लक्की मेनेजर अहिले पनि राष्ट्रिय टोलमिा त्यहि भूमिकामा फिलिपिन्स पुगेका छन् । आज साँझ नेपाली समय अनुसार ५ः४५ मा नेपालले एसियन कप छनोट चरणको पहिलो खेलमा घरेलु टोली फिलिपिन्सको सामना गर्दैछ । भाग्यका कारणले मात्र फुटबलमा सफलता पाइन्न ।

तर, कहिले काही मेहनत गर्दा पनि सफलता प्राप्त गर्न सकिन्न भाग्यको पनि साथ चाहिन्छ भनिन्छ । राष्ट्रिय टोलीका पूर्व सदस्य समेत रहेका शाह मेनेजर भएको बेला के फेरी एकपटक नेपाललाई भाग्यले पनि साथ देला त ? शुभकामना नेपाली फुटबल टोलीलाई ।