लग्जेमबर्ग (एजेन्सी)– आर्सनलका स्ट्राइकर ओलिभर जिरुडको २ गोलको मद्दतले फ्रान्सले लग्जेमबर्गलाई ३–१ ले हराउँदै समूहको शीर्षस्थानमा थप मजबुद बनेको छ ।

२८ औं मिनेटमा जिरुडले गोल गर्दै फ्रान्सलाई अग्रता दिलाएका थिए । मिनेटमा पाहुना टोली फ्रान्सलाई अग्रता दिलाएका थिए । ३४ औं मिनेटमा घरेलु टोलीले पेनाल्टी मार्फत बराबरी गरेको थियो ।

पिएसजीका मिडफिल्डर ब्लैसे माटौदीले पेनाल्टी बक्समा फाउल गरेपछि लग्जेम्बर्गले पेनाल्टी पाएको थियो । अरिलिन जोचिमले पेनाल्टीमा गोल गर्दै खेल बराबरीमा पुर्याएका थिए । तर फ्रान्सले पुनः तीन मिनेटपछि पेनाल्टी मार्फत नै पुनः अग्रता लिएको थियो । एट्लेटिको मड्रिडका स्ट्राइकर एन्टोनियो ग्रिजमानले पेनाल्टी उपयेगा गर्दै फ्रान्सलाई अघि बढाएको थियो ।

हेडरमा माहिर जिरुडले बेन्जामिन मेन्डीको क्रसलाई ७७ औं मिनेटमा गोल गर्दै टोलीको जित पक्का गरेका थिए । समूह ‘ए’ मा फ्रान्सको १३ अंक छ भने दोस्रो स्थानमा रहेको स्वीडेनको १० अंक छ । बुग्लेरिया (९) तेस्रो र नेदरल्यान्ड्स (७) चौथो स्थानमा छ ।

अन्य खेलका नतिजा

समूह ‘ए’ – स्वीडेन ४–० बेलारुस , बुल्गेरिया २–० नेदरल्यान्ड्स
समूह ‘बी’– एन्डोरा ०–० फरोए आइल्यान्ड , स्विट्जरल्यान्ड १–० लातभिया, पोर्चुगल ३–० हंगेरी
समूह ‘एच’– बोस्निया ५–० गिब्रेल्टार , साइप्रस ०–० इस्टोनिया, बेल्जियम १–१ ग्रिस