सर्लाही (हाम्रो खेलकुद)– डिभाइन ब्वाइजन युनियनलाई सडन डेथमा हराउँदै लक्ष्मी हुन्डाई मनाङ मस्र्याङ्दी क्लब राजर्षि जनक कप फुटबल प्रतियोगिताको सेमिफाइनलमा पुगेको छ । निर्धारित सयम १–१ को बराबरीमा टुंगिएपछि १० खेलाडीमा सिमित निराजन मल्लको कप्तानीमा रहेको ए डिभिजन टोली मनाङले सडन डेथमा ५–४ ले खेल आफ्नो पक्षमा पारेको थियो ।

कर्मैयाको खेल मैदानमा ओगाबेमिरो ओलासेमी स्यामसनले ६१ औं मिनेटमा दोहोरो पहेलो कार्ड मनाङ दस खेलाडीमा सिमित भएको थियो । तर, मनाङले १० खेलाडीमा सिमित भएको एक मिनेट नबित्दै विमल रानाको गोलबाट अग्रता लिएको थियो । खेल सकिन ३ मिनेट बाँकी रहँदा जम्मीले बराबरी गोल गर्दै ‘बी’ डिभिजन टोली ब्वाइज युनियनलाई खेलमा फर्काएका थिए ।

टाइब्रेकरमा ४–४ गोल भएपछि खेल सडन डेथमा गएको थियो । टाइब्रकेरकमा मनाङका हेमन्त थापामगर, विमल बस्नेत, डोना थापा र निराजन मल्लले गोल गरे । मनाङका गोलकिपर दिनेश थापामगरको प्रहार पोलमा लागेको थियो । ब्वाइज युनियनका लागि जिम्मीको पहिलो प्रहार पोलमा लागेको थियो भने त्यसपछि अमित, माउसा, सुन्दर लामा र आशिक थापाले लगातार गोल गरेपछि टाइब्रेकरमा बराबरी भएको थियो ।

सडन डेथको पहिलो प्रहारमा मनाङका विशाल गुरुङको प्रहार विपक्षी गोलकिपरले रोके भने ब्वाइज युनियनका सकल रेग्मीको प्रहार बारमा ठोक्कियो । मनाङका लागि दिलेन मोक्तानले गोल गरे भने आशिष लामाको प्रहारमा बारमाथिबाट बाहिरियो । दिलेनको गोल निर्णायक बन्यो र मनाङ अन्तिम आठको यात्रा तय ग¥यो । मनाङका विमल राना खेलेको म्यान अफ दी म्याच बने । वागमती युवा क्लबले आयोजना गरेको प्रतियोगिताको विजेताले ४ लाख र दोस्रो हुने टोलीले २ लाख रुपैयाँ प्राप्त गर्नेछन् ।

राजर्षि जनक कप फुटबलमा शनिबारको खेल
नेपाल एपिएफविरुद्ध र जाउलाखेल युथ क्लब