8 years ago
March 11, 2017
नेपालगञ्ज (हाम्रो खेलकुद)– यो बर्ष तीन वटा नकआउट फुटबल प्रतियोगिताको उपाधि जितिसकेको सिएमजी क्लब संकटाले टुबार्ग दोस्रो नेपालगञ्ज गोल्ड कप फुटबल प्रतियोगितामा शनिबार विभागिय टोली नेपाल एपिएफ क्लबको सामना गर्दैछ ।
पुसमा पूर्वाञ्चलमा सम्पन्न सातौं राष्ट्रिय खेलकुदमा स्वर्ण पदक जितेको एपिएफले त्यसयता सन्तोषजनक प्रदर्शन गर्न सकेको छैन । सातौंपछि सातवटा नकआउट प्रतियोगितामा पहिलो खेलबाट बाहिरिएको एपिएफको हारको श्रृखंला १९ औं तिलोत्तमा गोल्डकपमा पुगेर टुंगिएको थियो । यद्दपी त्यहाँ पहिलो खेल जितेपनि फागुन १६ गते अर्को खेलमा संकटासँग नै पराजित भएको थियो । त्यसयता पुनः दुई टोलीबीच आज प्रतिस्पर्धा हुँदैछ ।
उता संकटा भने बर्षको सर्वाधिक सफल टोलीमध्ये एक हो । पाँचवटा फाइनल खेल्ने क्रममा टोलीले तीन वटा उपाधि जितेको थियो । चितवनमा विकास रनिङ शिल्ड जितेको संकटाले त्यसपछि रुस्लान सिमरा गोल्डकप र फागुन २१ गते तिलोत्तमा गोल्डकपको उपाधि जितेको थियो । संकटाले सुदूरपश्चिमाञ्चल खप्तड गोल्डकप र १९ औं बुढासुब्बा रेडबुल गोल्डकपको पनि फाइनल खेलेको थियो ।
अघिल्लो दुई दिन सुदूरपश्चिमाञ्चल ११ र नेपाल पुलिस क्लब विजयी हुँदै नेपालगञ्ज गोल्डकपको सेमिफाइनल पुगिसकेको छन् ।
चैत ४ गते हुने फाइनलको विजेताले उपाधि सहित ५ लाख र दोस्रो हुने टोलीले २ लाख ५१ हजार रुपैयाँ प्राप्त गर्नेछन् । प्रतियोगिता अवधिभर खेलाडी, रेफ्री, अफिसियलको दुर्घटना विमा एनएलजी इन्सुरेन्स कम्पनी लिमिटेडले गरेको छ ।
प्रतियोगितामा एन्फा, युवा तथाा खेलकुद मन्त्रालय, मध्यपश्चिमाञ्चल खेलकुद विकास समिति, बाँके जिल्ला खेलकुद विकास समितिको सहकार्य रहेको छ ।
September 20, 2024
काठमाडौं (हाम्रो खेलकुद) – एन्फा महिला लिगमा अपराजित रुपमा शीर्ष स्थानमा रहेको विभागीय टोली नेपाल एपिएफ क्लबले कोशी प्रदेशसँग खेल्दैछ । लिगमा शुक्रवार हुने २ खेलको पहिलो खेलमा एपिएफ कोशीसँग खेल्दैछ । एन्फा कम्प्लेक्स सातदोबाटोमा खेल दिउँसो १२ः३० बजे सुरु हुनेछ । एपिएफ ६ खेलमा १६ अंकका साथ लिगको शीर्ष स्थानमा छ । कोशीलाई हराउँदै […]
September 19, 2024
सुमन अधिकारी,बुटवल झरना स्पोर्टस क्लबको आयोजनामा रुपन्देहीमा जारी ३६ औं झरना रनिङ शिल्ड फुटबल प्रतियोगितामा बिहीवार कपिलवस्तु -११ ले जित निकाल्दै अन्तिम आठमा पुगेको छ । समूह बीको खेलमा नवयुवा खेलकुद तथा सांस्कृतिक परिवारलाई ६-० ले पराजित गर्दै कपिलवस्तु क्वाटरफाइनलमा पुगेको हो । कुन्जलापुरस्थित उमा निमाविको फुटबल मैदानमा भएको खेलको ११ औ मिनेटमा कपिलवस्तुका कप्तान […]
September 19, 2024
सुशील पन्त क्षेत्री, चितवन गोल्डेन इमिनेन्ट दोस्रो चितवन गोल्डकपमा सूर्यपुर एफसीले विजयी सुरुवात गरेको छ । आज सुरु भएको प्रतियोगिताको उद्घाटन खेलमा सूर्यपुरले बागमती युवा क्लब सर्लाहीलाई पराजित गरेको हो । प्रतिस्पर्धात्मक खेलमा सूर्यपुर सडन डेथमा विजयी भयो । त्यसअघि निर्धारित समयको खेल १-१ को बराबरीमा सकिएको थियो । खेलको २४ औं मिनेटमा हिसुब थपलियाको […]