थ्रि स्टार क्लब र त्रिभुवन आर्मी क्लबबिच भएको खेल १-१को बराबरीमा टुगंदा दुवै टोलीका प्रशिक्षकले रेफ्रिको निर्णयप्रति असन्तुष्टता व्यक्त गरे|

राष्ट्रिय टोलीका समेत कप्तान रहेका थ्रि स्टारका कप्तान सागर थापाले रेफ्रिले पहेंलो कार्ड देखाएपछि उनिविरुद्ध अपशब्द प्रयोग गरेका थिए

आर्मी र थ्रि स्टार विरुद्धको खेलमा फिफा रेफ्री श्रवण लामा मैदानमा थिए| थ्रि स्टारका प्रशिक्षक राजेन्द्र तामाङको भनाई लिने हो भने भरत खवासले खेलको सुरुवातमा जगजितमाथि गरेको फल रेड कार्ड दिनलायक थियो|

तामाङले भने, ” आजको रेफ्रि थ्रि स्टार र आर्मीको खेलमा रेफ्री गर्न सक्षम छैनन्| यस्तो ठुलो खेलमा अनुभवि रेफ्री हुनुपर्ने थियो| हामी मात्र हैन, हाम्रो विरुद्ध पनि धेरै गल्ति भएको छ| किपरले बक्स बाहिर आएर समाएको बललाई पनि रेफ्रिले फल दिएनन्|”

यस्तै आर्मीका प्रशिक्षक मेघराज केसीेले भने रेफ्रिले सबै खेलाडीहरुलाई समान रुपमा नहेरेको दावी गरे| “मैदानमा पसेपछि सबै खेलाडीलाई समान व्यवहार गर्नुपर्छ| मेसीले नेपालको कुनै तल्लो लिगको टिमसंग खेलेपनि उनलाई र अर्को टोलीको खेलाडीलाई उहि नियम लागु हुन्छ,” केसीले थपे|

राष्ट्रिय टोलीका समेत कप्तान रहेका थ्रि स्टारका कप्तान सागर थापाले रेफ्रिले पहेंलो कार्ड देखाएपछि उनिविरुद्ध अपशब्द प्रयोग गरेका थिए| स्वयं थ्रि स्टारका प्रशिक्षकले पनि नियमानुसार रेफ्रिले रेड कार्ड दिनुपर्ने कुरा स्विकारे|

आर्मी प्रशिक्षक केसीले खेलपछिको पोष्ट म्याच कन्फ्रेन्समा रेफ्रिले खेलाडी हेरेर निर्णय दिएको बताए| “एन्फाले कि त केहि खेलाडीको नामवली दिएर सो बमोजिम ति खेलाडीलाई केहि नियम नलाग्ने बताउनुपर्यो, नत्र कोहि खेलाडीलाई गल्ति गर्दा कार्ड नदिने र कोहिलाई वित्थामा कार्ड दिने कुरा सह्य भएन,” केसीले थपे |

पत्रकारले केसी स्वयंले केहि शब्द प्रयोग गरेको कुरा सोध्दा उनले एकजनाले बोल्न हुन्छ भने हामीले किन नहुने भने| “एक खेलाडीले उनलाई त्यहि भनेर बोलाउँदा चुप बस्छन् भने हामी किन नबोलाउने| छुट लाग्ने ठाउँमा हामीले पनि बोल्दा हुने नै होला”, उनले थपे|

एन्फाले आजै निकालेको खेल तालिका प्रति पनि केसीले असन्तुष्टि व्यक्त गरे|

“थ्रि स्टारले यो लिगमा एक दिन मात्र खालि पारेर जम्मा एक खेल खेल्नु थियो, तर एन्फाले आज निकालेको तालिकामा त्यो पनि परिवर्तन भएछ| आर्मीले दुई दिनमा पुर्वदेखि पश्चिम २५ घण्टा गाडीमा यात्रा गरेर, गाडीबाट उत्रनासाथ पनि खेल खेलेको छ| मनाङ र थ्रि स्टारसंग खेल्दा हामीले एकदिन मात्र विश्राम पायौं| तालिका बनाउँदा कसैलाई फाइदा र घाटा हुन भएन,” केसीले भने|

राष्ट्रिय टोलीको कप्तानले खेल मैदानमा यस्तो व्यवहार देखाउनुमा तपाईंको प्रतिक्रिया के छ? तल लेख्नुहोस