default_image

8 years ago

March 2, 2017

तिलोत्तमा गोल्ड कपमा आज आर्मी र आयोजकको भिडन्त

68 views

0 Bookmark

दिपक न्यौपाने
बुटबल – विभागिय टोली त्रिभुवन आर्मी क्लबले १९ औं तिलोत्तमा गोल्ड कप फुटबल प्रतियोगिताको दोस्रो सेमिफाइनलमा बिहीबार आयोजक अग्नी रुपन्देहीको सामना गर्दैछ । आजको विजेताले शनिबार हुने फाइनलमा सिएमजी क्लब संकटाको सामना गर्नेछ ।

army-vs-rupandhahi
देविनगरस्थित एन्फा टेक्निकल सेन्टरमा जारी प्रतियोगितामा बुधबार हिमालयन शेर्पा क्लबलाई २–१ ले हराउँदै संकटा फाइनल पुगेको थियो । पुसमा हेटौैडामा भएको टुबोर्ग गोल्डकप फुटबल प्रतियोगिताको उपाधि जितेयता आर्मीले अर्को उपाधि जितेको छैन । गत महिनाको अन्त्यमा टोली रुस्लान सिमरा गोल्डकपको फाइनलमा संकटासँगै पराजित भएको थियो । त्यस्तै टोली झापामा पनि सेमिफाइनल भन्दा अघि बढ्न सकेन ।

यसै महिनाको सुरुआतमा रुपन्देहीले भने बर्षको पहिलो उपाधिका रुपमा रमपम उदयपुर गोल्डकप फुटबल प्रतियोगिताको उपाधि जितेको थियो । त्यसपछि १९ औं बुढासुब्बा रेडबुल गोल्डकप खेल्न धरान पुगेको रुपन्देही सेमिफाइनलभन्दा अघि बढ्न सकेन ।
यहाँ भने आर्मी भारतको युनाइटेड सिक्किमलाई ८–० ले हराउँदै यात्रा सुरु गरेको थियो भने क्वार्टरफाइनलमा अर्को विभागिय टोली नेपाल पुलिस क्लबलार्य ३–१ ले निराश पारेको थियो । सोझै क्वार्टफाइनल खेलेको रुपन्देहीले धरान एफसीलाई २–१ ले हराएर अन्तिम चारको यात्रा तय गरेको थियो ।

मोसफलकै प्रतिष्ठित गोल्डकप मध्येको एक तिलोत्तमा २०३३ सालबाट सुरु भएपनि पटक पटक आर्थिक अभाव र अन्य कारणले रोकिने गथ्र्यो । गत बर्षबाट प्रतियोगिताले पुनः निरन्तरता पाएको छ । यसपटक प्रतियोगितालाई अग्नी सिमेन्टले मुख्य प्रायोजन गरेको छ ।

बुटवल उप महानगरपालिकाको संरक्षणमा संचालन हुने प्रतियोगितालाई करेन्ट मसला र हुवाइ मोबाइल सहयोग प्रायोजन गरेका छन् । त्यस्तै अखिल नेपाल फुटबल सघं (एन्फा), राष्ट्रिय खेलकुद परिषद (राखेप) र रुपन्देही जिल्ला विकास समिति प्रतियोगिताको विशेष सहयोगीका रुपमा रहेका छन् । तिलोत्तमा गोल्डकपको विजेता टोलीले उपाधिसहित ५ लाख ५५ हजार ५ सय ५५ रुपैयाँ प्राप्त गर्नेछ ।

January 15, 2025

झापा गोल्ड कपको अध्यक्षसहित सबै पदमा सर्वसम्मत

हिमाल खरेल,बिर्तामोड झापा गोल्ड कप कार्यसमितिको सबै पदमा सर्वसम्मत भएको छ । आज बिहान सहजकर्ताहरुबीच भएको छलफलपछि बाँकी पदमा पनि सर्वसम्मत भएको हो । कोषाध्यक्षमा युवराज निरौलाले उम्मेदवारी फिर्ता लिएपछि चन्द्रमणि कट्टेल सर्वसम्मत भएका छन् । त्यस्तै, सहसचिवमा यादव पोखरेलले उम्मेदवारी फिर्ता लिएपछि विष्णु सिग्देल सर्वसम्मत भएका छन् । त्यस्तै, सदस्यहरुमा श्याम श्रीवास्तव, किरण थापा, […]

January 15, 2025

म्यानचेस्टर सिटीले अग्रता जोगाउन सकेन

एजेन्सी – म्यानचेस्टर सिटीले २-० को अग्रता जोगाउन नसक्दा इंग्लिस प्रिमियर लिगमा मंगलवार अंक बाढेको छ। अन्तिम १० मिनेटमा दुई गोल फर्काउँदै ब्रेन्टफोर्डले सिटीलाई २-२ को बराबरीमा रोकेको हो । सिटीका लागि दुवै गोल फिल फोडेनले गरे। पहिलो गोल ६६ औं मिनेटमा गरेका फोडेनले अर्को ७८ औं मिनेटमा गरे। ब्रेन्टफोर्डका योआने विसाको ८२ औं मिनेटमा […]

January 15, 2025

शीर्ष टोली लिभरपुलको बराबरी

एजेन्सी – इंग्लिस प्रिमियर लिगको शीर्ष स्थानको लिभरपुलले नटिङघम फरेस्टसँग बराबरीमा खेलेको छ। अंक तालिकाको दोस्रो स्थानमा रहेको नटिङघम मंगलवार लिभरपुलसँग १–१ को बराबरीमा रोकको हो। नटिङघमले खेलमा लिएको अग्रता जोगाउन सकेन। आठौं मिनेटमा क्रिस उडको गोलबाट नटिङघमले अग्रता लियो । लिभरपुलका लागि डिएगो जोटाले ६६ औं मिनेटमा बराबरी गोल फर्काए । यो नतिजापछि शीर्षमा लिभरपुलको छ […]

Success

Thank you for your time.