लन्डन (एजेन्सी)– युरोपेली फुटबल संघ (यूइएफए) का अध्यक्ष एलेक्साडर केफेरिनले बार्सिलोनाका फुटबल स्टारद्वय लियोनल मेस्सी र नेमारलाई बेलायत प्रवेशमा प्रतिबन्ध लाग्न सक्ने स्वीकार गरेका छन् । मेस्सी र नेमारमाथि हाल कर छलि सम्बन्धि मुद्दा चलिरहेका कारण बेलायतमा प्रवेशमा रोक लाग्न सक्ने केफेरिनले न्युयोर्क पोस्टलाई बताएका हुन् ।

यो सिजन च्याम्पियन्स लिगको फाइनल वेल्सको कार्डिफ सहरमा हुदैछ । पेरिस सेन्ट जर्मेन (पिएसजी) सँग च्याम्पियन्स लिगको अन्तिम १६ पहिलो लेग बार्सिलोनामा ४–० ले पराजित भएको थियो । दोस्रो लेगमा नतिजा उल्टाएर बार्सिलोना अघि बढ्दै फाइनल सम्म पुगेपनि कानुनी जटिलताका कारण दुई स्टारले खेल्न नपाउने सक्ने विषयले अध्यक्ष केफेरिन चिन्तित छन् ।

अध्यक्ष केफेरिनले भने ‘नेमार र मेस्सी दुवैमाथि कर सम्बन्धि मुद्दा चलिरहेको छ । यो बर्ष यो बर्ष च्याम्पियन्स लिगको फाइनल कार्डिफमा छ । कल्पना गरौं उनीहरुलाई प्रवेश माथि रोक लगाइसक्छ । ’ यूईएफए अध्यक्षले भविष्यमा बेलायतले अन्य फाइनल खेलाउन नपाउने सक्ने संकेत पनि गरे । ‘इङ्ल्यान्डका खेलाडी स्वतन्त्र भएर सबै तिर खेल्छन् । तर त्यहाँको नियमको कारण अरु खेलाडी खेल्न नपाउने भएपनि युरोपेली खेल अन्तै खेलाउने विषयमा पनि सोच्नुपर्ने हुनसक्छ ।’

उनले का सर्जि उरियरलाई इङ्ल्यान्ड प्रवेशमा लगाएको रोकमा पनि आपत्ती जनाए । त्यस्तै केफेरिनले अमेरिकाको सीमामा गरिएको कडाइले अमेरिकालाई भविष्यमा विश्वकप आयोजना गर्ने अनुमती पाउन गाह्रो हुने सक्ने संकेत पनि गररेका छन् ।