default_image

3 weeks ago

April 10, 2025

कार्लोस अर्को साता नेपाल आइपुग्ने

437 views

0 Bookmark

काठमाडौं (हाम्रो खेलकुद)- विश्व फुटबलका महान ब्राजिलियन पूर्व खेलाडी कार्लोस अर्को साता नेपाल आउँने भएका छन् ।

दुई दिने भ्रमणका लागि कार्लोस वैशाख ५ गते काठमाडौं आउने निश्चित भएको बिहीवार नेपाल स्पोर्ट्स एण्ड इभेन्ट्स म्यानेजमेन्ट (एनएसइएम) ले प्रेस विज्ञप्तिमार्फत जानकारी दिएको छ।

कार्लोस वैशाख ६ गते दशरथ रंगशालामा जारी एनसेल नेपाल सुपर लिग (एनएसएल) को क्वालिफायर १ मा प्रमुख अतिथिको रुपमा उपस्थिति हुनेछन् ।

दुई दिने बसाईमा कार्लोसले अन्य विभिन्न कार्यक्रममा पनि सहभागिता जनाउने छन्। ती कार्यक्रमहरूको विस्तृत विवरण आयोजकले चाँडै सार्वजनिक गर्ने बताइएको छ।

एनएसइएमका प्रबन्ध निर्देशक श्रेयन्स कार्कीले भने,’हामी विश्व फुटबलका एक महान् व्यक्तित्वलाई नेपालमा स्वागत गर्न पाउँदा गर्वित छौं। उहाँको आगमनले लिगको प्रतिष्ठा बढाउनुका साथै सम्पूर्ण नेपाली फुटबल समुदायका लागि प्रेरणादायी क्षण बन्नेछ।’

कार्लोसलाई फुटबल इतिहासकै उत्कृष्ट लेफ्टब्याक मध्ये एक मानिन्छन्। सन् २००२ मा ब्राजिलले विश्वकप जित्दा टोलीको सदस्य रहेका उनले आफ्नो करियरमा क्लब र राष्ट्रिय टोलीका लागि थुप्रै उपाधि जितेका छन्।

१९९२ मा उनले ब्राजिलको राष्ट्रिय टिमबाट डेब्यु गरेका थिए। उनले तीन पटक विश्व कप खेलेका छन्। १९९८ मा ब्राजिल फाइनलमा प्रवेश गर्दा टोलीको सदस्य रहेका उनले २००६ को विश्व कप पनि उनले खेलेका थिए।

उनी लङ रेन्ज फ्रि किकको लागि माहिर मानिन्छन्। १९९२ देखि २००६ सम्म उनले ब्राजिलबाट १ सय २५ खेल खेल्दै ११ गोल गरेका थिए ।

१९९६ देखि २००७ सम्म उनले रियल म्याड्रिडबाट खेलेका थिए । रियलबाट ५ सयभन्दा बढी खेल खेले र तीन पटक युएफा च्याम्पियन्स लिग तथा चार पटक ला लिगा उपाधि जितेका थिए।

May 2, 2025

चितवनको विजयी सुरुवात

रविन्द्र वाइवा, मकवानपुर हेटौंडामा शुक्रवार सुरु मकवानपुर महिला राष्ट्रिय गोल्डकप फुटबल प्रतियोगितामा चितवनले विजयी सुरुवात गरेको छ । हेटौंडा-६ स्थित गौरीटार रंगशालामा भएको उद्घाटन खेलमा आयोजक मकवानपुरलाई टाइब्रेकरमा ५-४ गोलले हराउँदै चितवनले गोल्डकपमा विजयी सुरुवात गरेको हो । निर्धारित खेल समय १-१ गोलको बराबरीपछि खेलको नतिजा टाइब्रेकरबाट लिएको हो । चितवनको लागि अनिता गुरुङले दोस्रो […]

May 2, 2025

खेलकुदका‌ लागि एपिएफ क्लबको‌ सहयोग

काठमाडौं (हाम्रो खेलकुद)- सशस्त्र प्रहरी महानिरीक्षक राजु अर्यालले नेपालको हिमाली सीमावर्ती क्षेत्रमा बसोबास गर्ने बालबालिकालाई खेलकुदमा प्रोत्साहन गर्ने उद्देश्यले ग्रासरुट स्पोर्ट्स प्रोग्रामअन्तर्गत मनाङ जिल्लाका लागि नेपाल एपिएफ क्लबमार्फत १ लाख रुपैयाँ प्रदान गरेका छन् । यसले बालबालिकाको शारीरिक र मानसिक विकासमा सकारात्मक योगदान पुर्‍याउने विश्वास गरिएको छ। साथै, यसबाट राज्यलाई आवश्यक खेलकुद जनशक्ति उत्पादनमा पनि […]

May 2, 2025

ब्रेन्टफोर्डसँग नटिङ्घम फरेस्टको हार

एजेन्सी – नटिङ्घम फरेस्टको युईएफए च्याम्पियन्स लिगमा छनोट हुने आशामा झड्का लागेको छ‌। घरेलु मैदानमा बिहीवार भएको प्रिमियर लिगको खेलमा फरेस्ट ब्रेन्टफोर्डसँग २-० ले पराजित भयो।‌ सिटी ग्राउण्डमा भएको खेलमा ब्रेन्टफोर्डले दुबै हाफमा गोल गर्दै युरोपमा छनोट हुने आशा कायम राख्यो। केभिन शाडेले पहिलो हाफको अन्त्यतिर गोलको खाता खोले । ७०औं मिनेटमा योआने विस्साले ब्रेन्टफोर्डको […]

Success

Thank you for your time.