default_image

2 days ago

April 3, 2025

बार्सिलोना र रियल कोपा डेल रेको फाइनलमा भिड्ने

1734 views

0 Bookmark

एजेन्सी – बार्सिलोनाले कोपा डेल रेको फाइनल पुगेको छ।

एट्लेटिको म्याड्रिडलाई बुधवार १-० ले पराजित गर्दै बार्सिलोनाले चार सिजनपछि पहिलो पटक कोपा डेल रे फाइनलमा स्थान बनाएको हो । यो‌ नतिजाले कोपा डेल रेको फाइनल रियल म्याड्रिडविरुद्ध ‘ एल‌ क्लासिको’ तय भएको छ ।

फेरान टोरेसले पहिलो हाफमा विजयी गोल गरे । त्यसले क्याटालान क्लबलाई समग्रमा ५-४ ले अघि रहँदै उपाधि नजिक पुगेको छ। फेब्रुअरीमा बार्सिलोनाको मैदानमा भएको पहिलो लेग ४-४ को बराबरीमा सकिएको थियो।

टोरेसले २७औं मिनेटमा लामिन यामालको उत्कृष्ट थ्रु बललाई सदुपयोग गर्दै पेनाल्टी एरिया भित्रबाट गोल गरे। त्यही गोलले बार्सिलोनाको अन्तिम दुईको यात्रा तय भयो ।

एट्लेटिकोका स्ट्राइकर अलेक्जान्डर सर्लोथले ६९औं मिनेटमा अफसाइडका कारण गोल मान्यता पाएन।
डिएगो सिमियोनको टोलीले पहिलो लेगमा २-० को अग्रता गुमाएपछि अन्त्यतिर दुई गोल गर्दै ४-४ को बराबरी निकालेको थियो।

रियलले मंगलबार अतिरिक्त समयमा रियल सोसिडाडलाई हराउँदै समग्रमा ५-४ को अग्रतासहित फाइनलमा स्थान बनाएको थियो।

यी चिर-प्रतिद्वन्द्वी कोपा फाइनलमा २०१३-१४ सिजनपछि पहिलो पटक आमनेसामने हुने भएका छन् । त्यति बेला रियल उपाधि जितेको थियो।

गत महिनाको च्याम्पियन्स लिगको अन्तिम १६ मा रियलसँग पेनाल्टी सुटआउटमा मा पराजित भएपछि एट्लेटिकोलाई अर्को निराशाजनक हार बेहोर्नु पर्‍यो।

३१ उपाधिसहित कोपाको सबैभन्दा सफल क्लब बार्सिलोना २०२१ पछि पहिलो पटक फाइनलमा पुगेको हो। त्यतिबेला उसले एथ्लेटिक बिल्बाओलाई पराजित गरेको थियो।

रियल पछिल्लो तीन सिजनमा दोस्रो पटक फाइनलमा पुगेको हो । २०२३ मा ओसासुनालाई पराजित गर्दै आफ्नो २०औं उपाधि जितेको थियो।

सेभिलमा अप्रिल २६ मा हुने फाइनल यो सिजनको तेस्रो ‘एल क्लासिको’ हुनेछ। बार्सिलोनाले रियललाई अक्टोबरमा स्पेनिस लिगमा ४-० र जनवरीमा स्पेनिस सुपर कपको फाइनलमा ५-२ ले‌ हराएको थियो।

यी दुई टोली यो सिजन च्याम्पियन्स लिगमा पनि आमनेसामने हुने सम्भावना पनि यथावत छ। एट्लेटिको सन् २०१३ पछि पहिलो पटक कोपा फाइनलमा स्थान बनाउने प्रयासमा थियो । त्यति बेला रियललाई हराएर आफ्नो १०औं उपाधि जितेको थियो।

April 4, 2025

जीतपुरसिमरा गोल्डकप- बिएफसी भरतपुरको जित

सुनिल गाउँले,सिमरा हनामी बिएफसी भरतपुरले जीतपुरसिमरा गोल्डकप फुटबल प्रतियोगितामा विजयी सुरुवात गरेको छ । बाराको सिमरा रंगशालामा शुक्रवार राति फ्लडलाईटमा भएको १५ औं सिमरा गोल्डकपको उद्घाटन खेलमा भरतपुरले सिरहाको सलहेश युवा क्लबलाई २–१ ले पराजित गर्दै सेमिफाइनल यात्रा तय गरेको छ । भरतपुरको जितमा विशाल योञ्जन र राज भुषालले गोल गरे । सिरहाका लागि सुशील […]

April 4, 2025

एनएसएलमा चितवनको लगातार दोस्रो जित

काठमाडौं (हाम्रो खेलकुद)- एनसेल नेपाल सुपर लिग (एनएसएल) मा एफसी चितवनले लगातार दोस्रो जित हात पारेको छ। चितवनले शुक्रवार बुटवल लुम्बिनी एफसीमाथि १-० को कठिन जित निकाल्यो। चितवनको जितमा टोरिक जेब्रिनले इन्ज्युरी समयमा गरेको गोल नै निर्णायक बन्यो। दशरथ रंगशालामा दुवै टोलीका खेलाडीको प्रदर्शन कमजोर रह्यो। मिडबाट केहि मुभ सिर्जना भएपनि अधिकांश मिस पास भयो। […]

April 4, 2025

चितवन र बुटवल पहिलो हाफमा गोलरहित

काठमाडौं (हाम्रो खेलकुद) – तेस्रो संस्करणको एनसेल एनएसएल अन्तर्गत एफसी चितवन र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ । दशरथ रङ्गशालामा चितवन लगातार दोस्रो जित निकाल्ने दाउमा छ । दुई खेलमा १ अंक मात्र जोड्न सकेको बुटवललाई जित दर्ज गर्ने दबाब छ। तर दुवै टिमले पहिलो हाफमा फितलो प्रदर्शन […]

Success

Thank you for your time.