3 days ago
April 2, 2025
एजेन्सी – रियल म्याड्रिड कोपा डेल रेको फाइनल पुगेको छ।
रियल सोसिडाडविरुद्ध मंगलवार अतिरिक्त समयमा एन्टोनियो रुडिगरले हेडरमा निर्णायक गोल गरेपछि रियलले सिजनमा तेहरो उपाधि जित्ने सम्भावनालाई जीवित राखेको छ ।
परिवर्तित खेलाडीका रुपमा मैदान प्रवेश गरेका रुडिगरले ११५ औं मिनेटमा अरदा गुलरको कर्नर बलमा उत्कृष्ट हेड गोल गर्दै घरेलु समर्थकलाई खुसी पारे।
४-४ को बराबरी खेल टुंगिएपछि समग्रमा ५-४ को अग्रतासहित रियल उपाधि नजिक पुगेको हो। पहिलो लेगमा रियल १-० ले विजयी भएको थियो।
दोस्रो हाफ सनसनीपूर्ण रह्यो । १-१ को बराबरी रहेको खेलको अन्तिम २१ मिनेटमा दुवै टोलीबाट गरि ५ गोल भएको थियो।
१६ औं मिनेटमा आन्देर बारेनेट्सियाले गोल गर्दै सोसिडाड अग्रता दिलाए। एन्द्रिकले ३० औं मिनेटमा शानदार चिप गोल गर्दै खेललाई बराबरीमा पुर्याए।
७२ औं मिनेटमा डेविड अलाबाको आत्मघाती गोलले पाहुना टोलीलाई पुनः खेलमा अघि बढ्यो । मिकल ओयार्जाबाले ८० औं मिनेटपछि लो ड्राइभ प्रहार गर्दै स्कोर ३-१ बनाए ।
रियलका जुड बेलिङ्हमले उत्कृष्ट भली गोल गर्दै तुरुन्तै खेल बराबरी बनाए। ८६ औं मिनेटमा ओरिलियन चुआमेनीले हेडरमा बराबरी गोल गरे ।
तर नाटकीय खेल त्यहीं रोकिएन। सोसिडाडका कप्तान ओयार्जाबाले इन्जुरी समयमा हेडर प्रहार गर्दै आफ्नो टोलीलाई पुनः अग्रता दिलाए । जसले खेललाई अतिरिक्त समयमा धकेल्यो।
रुडिगरले अतिरिक्त समयमा निर्णायक गोल गर्दै सोसिडाडको सपना चकनाचूर पार्दै समग्र स्कोर ५-४ बनाए।
रियलको तेहरो उपाधि जित्ने यात्रा अझै जीवित छ। ला लिगामा शीर्षस्थानको बार्सिलोनाभन्दा ३ अंक पछाडि छ। च्याम्पियन्स लिगको क्वाटरफाइनलमा आर्सेनलसँग खेल्नेछन् । टोलीले २१औं पटक कोपा डेल रे जित्ने सम्भावना जीवित राखेको छ।
बुधबार एट्लेटिको मड्रिड र बार्सिलोनाबीच दोस्रो सेमिफाइनको दोस्रो लेग हुने । त्यसको विजेताले रियलसँग फाइनल खेल्ने छ । पहिलो लेगमा ४-४ को बराबरी भएको थियो।
April 4, 2025
सुनिल गाउँले,सिमरा हनामी बिएफसी भरतपुरले जीतपुरसिमरा गोल्डकप फुटबल प्रतियोगितामा विजयी सुरुवात गरेको छ । बाराको सिमरा रंगशालामा शुक्रवार राति फ्लडलाईटमा भएको १५ औं सिमरा गोल्डकपको उद्घाटन खेलमा भरतपुरले सिरहाको सलहेश युवा क्लबलाई २–१ ले पराजित गर्दै सेमिफाइनल यात्रा तय गरेको छ । भरतपुरको जितमा विशाल योञ्जन र राज भुषालले गोल गरे । सिरहाका लागि सुशील […]
April 4, 2025
काठमाडौं (हाम्रो खेलकुद)- एनसेल नेपाल सुपर लिग (एनएसएल) मा एफसी चितवनले लगातार दोस्रो जित हात पारेको छ। चितवनले शुक्रवार बुटवल लुम्बिनी एफसीमाथि १-० को कठिन जित निकाल्यो। चितवनको जितमा टोरिक जेब्रिनले इन्ज्युरी समयमा गरेको गोल नै निर्णायक बन्यो। दशरथ रंगशालामा दुवै टोलीका खेलाडीको प्रदर्शन कमजोर रह्यो। मिडबाट केहि मुभ सिर्जना भएपनि अधिकांश मिस पास भयो। […]
April 4, 2025
काठमाडौं (हाम्रो खेलकुद) – तेस्रो संस्करणको एनसेल एनएसएल अन्तर्गत एफसी चितवन र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ । दशरथ रङ्गशालामा चितवन लगातार दोस्रो जित निकाल्ने दाउमा छ । दुई खेलमा १ अंक मात्र जोड्न सकेको बुटवललाई जित दर्ज गर्ने दबाब छ। तर दुवै टिमले पहिलो हाफमा फितलो प्रदर्शन […]