default_image

3 days ago

April 1, 2025

धनगढीको रवाफिलो सुरूवात

632 views

0 Bookmark

काठमाडौं (हाम्रो खेलकुद) – अघिल्ला दुवै संस्करणको उपविजेता धनगढी एफसीले तेस्रो संस्करणको नेपाल सुपर लिगमा विजयी सुरूवात गरेको छ ।

दशरथ रंगशालामा सम्पन्न खेलमा धनगढीले बुटवल लुम्बिनी एफसीलाई ४-१ ले पराजित गर्यो । धनगढीको जितमा अहमद हिजाजीले दुई गोल तथा कृतिश रत्न छुन्जु र सर्जियो बार्बोजाले १-१ गोल गरे । धनगढीले इन्ज्युरी समयमा २ गोल थपेको थियो ।

खेलको छैटौं मिनेटमा नै धनगढीले अग्रता बनायो । जर्ज प्रिन्स कार्कीको फ्लीक हेडरमा अहमद हिजाजीको एक्रोबेटिक सट गोलमा परिणत भयो । यो गोलमा बुटवलका डिफेन्डरहरू विमल पाण्डे र सुमन श्रेष्ठ मुकदर्शक बनेका थिए ।

दशौं मिनेटमा धनगढीका कृतिश रत्न छुन्जुको कडा प्रहार पोष्ट नजिकैबाट बाहिरियो । २७ औं मिनेटमा धनगढीले सुनौलो मौका चुकायो । प्रिन्सको पासमा हिजाजीको प्रहार पोलमा लागेर फर्कियो । रिबाउन्डमा कृतीशको प्रहार विमल पाण्डेले ब्लक गरिदिए ।

धनगढीले यो मौका चुकाउँदा ३१ औं मिनेटमा महंगो सावित भयो । मनिष डाँगीको कर्नरमा केन्टा हाराले गोल लाइन नजिकैबाट गोल गरे । उनले ब्याकहिलमा पहिलो टच गोलमा परिणत गरे । खेल १-१ गोलको बराबरीमा पुग्यो ।

३८ औं मिनेटमा लुम्बिनीका फत्तेमान घलेले बक्सको एजबाट हानेको प्रहारलाई धनगढीका गोल रक्षक वाइद बिरोले डाइभ गर्दै उत्कृष्ट बचाउ गरे । पहिलो हाफ १-१ को बराबरीमा सकियो ।

५० औं मिनेटमा धनगढीका हिजाजीको हेडर क्रसबारमा लागेर फर्कियो । यता ७३ औं मिनेटमा बुटवलका सुमित मल्लको क्रसमा मनिष सेंढाइको राइट फुटेड सट क्रसबारमा लागेर फर्कियो ।

खेलको ७५ औं मिनेटमा धनगढीले फेरि अग्रता बनायो । मार्की खेलाडी कृतीशले एकल प्रयासमा तीन डिफेन्डर र गोलकिपरलाई जिल्लाउँदै आकर्षक गोल गरे । यो गोलमा धनगढीले २-१ को अग्रता बनायो ।

दबाब बनाएको धनगढीले ९० औं मिनेटमा मौका खेर फाल्यो । हिजाजीको पासमा प्रिन्सले हानेको प्रहारलाई गोल रक्षक वाइद बिरोले बचाए ।

यसपछि इन्जुरी समयको पाँचौ मिनेटमा मोहम्मतको लङ क्रसमा बाउन्स भएको बलमा हिजाजीले ओपन पोष्टमा टइट एङ्गलबाट गोल गरे । धनगढी यतिमा मात्र रोकिएन । इन्जुरी समयको नवौं मिनेटमा प्रिन्सको प्रहारलाई होल रक्षक दीप कार्कीले बचाए । रिबाउन्डमा सर्जियो बार्बोजाले गोल गरे । यससँगै धनगढीले बुटवललाई ४-१ ले हरायो ।

धनगढीले ३ अंकका साथ एनएसएलमा सुखद सुरूवात गरेको छ। दोस्रो खेलमा पनि बुटवलले जित निकाल्न सकेन । उसले दुई खेलबाट १ अंक बनाएको छ। बुटवलले यसअघिको खेलमा झापा एफसीसँग गोलरहित बराबरी खेलेको थियो ।

भोली ललितपुर सिटी एफसी र पोखरा थन्डर्सबीच खेल हुनेछ । यी दुवै टोली पहिलो जितको खोजीमा हुनेछन् ।

April 4, 2025

जीतपुरसिमरा गोल्डकप- बिएफसी भरतपुरको जित

सुनिल गाउँले,सिमरा हनामी बिएफसी भरतपुरले जीतपुरसिमरा गोल्डकप फुटबल प्रतियोगितामा विजयी सुरुवात गरेको छ । बाराको सिमरा रंगशालामा शुक्रवार राति फ्लडलाईटमा भएको १५ औं सिमरा गोल्डकपको उद्घाटन खेलमा भरतपुरले सिरहाको सलहेश युवा क्लबलाई २–१ ले पराजित गर्दै सेमिफाइनल यात्रा तय गरेको छ । भरतपुरको जितमा विशाल योञ्जन र राज भुषालले गोल गरे । सिरहाका लागि सुशील […]

April 4, 2025

एनएसएलमा चितवनको लगातार दोस्रो जित

काठमाडौं (हाम्रो खेलकुद)- एनसेल नेपाल सुपर लिग (एनएसएल) मा एफसी चितवनले लगातार दोस्रो जित हात पारेको छ। चितवनले शुक्रवार बुटवल लुम्बिनी एफसीमाथि १-० को कठिन जित निकाल्यो। चितवनको जितमा टोरिक जेब्रिनले इन्ज्युरी समयमा गरेको गोल नै निर्णायक बन्यो। दशरथ रंगशालामा दुवै टोलीका खेलाडीको प्रदर्शन कमजोर रह्यो। मिडबाट केहि मुभ सिर्जना भएपनि अधिकांश मिस पास भयो। […]

April 4, 2025

चितवन र बुटवल पहिलो हाफमा गोलरहित

काठमाडौं (हाम्रो खेलकुद) – तेस्रो संस्करणको एनसेल एनएसएल अन्तर्गत एफसी चितवन र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ । दशरथ रङ्गशालामा चितवन लगातार दोस्रो जित निकाल्ने दाउमा छ । दुई खेलमा १ अंक मात्र जोड्न सकेको बुटवललाई जित दर्ज गर्ने दबाब छ। तर दुवै टिमले पहिलो हाफमा फितलो प्रदर्शन […]

Success

Thank you for your time.