काठमाडौं (हाम्रो खेलकुद)- तेस्रो एनसेल नेपाल सुपर लिग (एनएसएल) मा बुटवल लुम्बिनी एफसी र धनगढी एफसीबीचको खेल जारी छ। पहिलो हाफ १-१ गोलको बराबरीमा सकिएको छ।

दशरथ रंगशालामा जारी खेलको छैटौं मिनेटमा नै धनगढीले अग्रता बनायो। जर्ज प्रिन्स कार्कीको फ्लिक हेडरमा अहमद हिजाजीको एक्रोबेटिक सट गोलमा परिणत भयो।

यो गोलमा लुम्बिनीका डिफेन्डर विमल पाण्डे र सुमन श्रेष्ठले मुभ नै गरेनन्। धनगढीले सुरुवातमा नै १-० को अग्रता बनायो। १० औं मिनेटमा धनगढीका कृतिश रत्न छुन्जुको कडा प्रहार पोष्ट नजिकैबाट बाहिरियो।

२७ औं मिनेटमा धनगढीले सुनौलो मौका चुकायो। जर्ज प्रिन्सको पासमा हिजाजीको सट पोलमा लागेर फर्कियो। रिबाउन्डमा कृतिशको प्रहार लुम्बिनीका विमलले ब्लक गरिदिए।

धनगढीले यो मौका चुकाउँदा ३१ औं मिनेटमा महङ्गो साबित भयो। जब लुम्बिनीले बराबरी होल फर्कायो। मनिष डाँगीको कर्नरमा केन्टा हाराले गोल लाइन नजिकैबाट गोल गरे। खेल १-१ गोलको बराबरीमा पुग्यो।

३८ औं मिनेटमा लुम्बिनीका फत्तेमान लामाले बक्सको एजबाट हानेको प्रहारलाई धनगढीका गोलरक्षक वाइद बिरोले डाइभ गर्दै उत्कृष्ट बचाउ गरे। पहिलो हाफ १-१ को बराबरीमा सकियो। बुटवल यो दोस्रो र धनगढीले पहिलो खेल खेलिरहेको छ।