default_image

2 days ago

March 31, 2025

चितवनले पोखरालाई हरायो

717 views

0 Bookmark

काठमाडौं (हाम्रो खेलकुद)- तेस्रो एनसेल एनएसएलमा एफसी चितवनले पोखरा थन्डर्सलाई २-० गोल अन्तरले हराएको छ।

नोडिर माभलोनोभ र निरज चौधरीले गोल गरे। जारी सिजनमा जित निकाल्ने चितवन पहिलो टोली बन्यो। यसअघि भएका २ खेल बराबरीमा सकिएको थियो।

दशरथ रंगशालामा आज भएको खेलको १४ औं मिनेटमा नै चितवनले अग्रता बनायो। भिक्टर मानसारेले कट ब्याक गर्दै दिएको पासमा शिशिर लेखीले छोडिदिएको बलमा नोडिर माभलोनोभको राइट फुटेट सट उत्कृष्ट गोलमा परिणत भयो। चितवनले १-० को अग्रता बनायो।

३१ औं मिनेटमा चितवनका शिशिरको पावरफुल सटलाई पोखराका गिल्याम प्रिसोले पञ्च गर्दै बचाए। चितवनले अग्रता दुगुना गर्ने मौका गुमायो। यता पोखराले पहिलो हाफमा पोष्ट चार्ज समेत गर्न सकेन। पहिलो हाफमा चितवनले १-० को अग्रता बनायो।

४९ औं मिनेटमा चितवनले अर्को मौका गुमायो। टोरिक जेब्रिनको कर्नरमा भिक्टर मानसारेको हेडर थोरैले बाहिरियो।
खेलको ५३ औं मिनेटमा पोखराका जो ऐडोले करिब ३५ यार्ड टाढाबाट हानेको पावरपुल प्रहार क्रसबार भन्दा केहि इन्च माथिबाट बाहिरियो। यो नै पोखराको पहिलो दमदार मुभ थियो। ५७ औं मिनेटमा समिर तामाङको क्रसमा स्टेफन बिनोङको हेडर चुक्यो। पोखराले बराबरी गोल गर्ने उत्कृष्ट मौका गुमायो।

खेलमा दबाब बनाएको चितवनले ६० औं मिनेटमा अर्को मौका खेर फाल्यो। छिरिङ गुरूङले दिएको पासमा अनमार्क रहेका भिक्टरको प्रहार सिधै पोखराका गोल रक्षक प्रिसोको हातमा पुग्यो।

खेल सकिन दुई मिनेट बाकी छँदा जोनाथन क्यम्पबेलको क्रसमा भिक्टरले ६ यार्डबाट बललाई सही दिशा दिन सकेनन्।

आधा दर्जन भन्दा बढी मौका गुमाएको चितवनले इन्ज्युरी समयमा दोस्रो गोल गर्यो। काउन्टर अट्याकमा भिक्टरको थ्रु पासमा सब्स्टिच्युट निरज चौधरीले गोल गरे। यो सँगै चितवनले २-० को जित हात पार्यो। चितवनले महत्वपुर्ण ३ अंक जोड्यो।

चितवनले एनएसएलमा नै दर्ज गरेको यो तेस्रो जित हो। उसले पहिलो सिजनमा जित निकाल्न सकेको थिएन। दोस्रो सिजनमा भने दुई खेल जितेको थियो। साथै चितवनले पोखरालाई हराएको पनि यो पहिलो पटक हो। यसअघि पहिलो र दोस्रो सिजनमा पोखराले चितवनलाई हराएको थियो।

खेल १८ मिनेट ढिलो सुरू भएको थियो। खेल सुरू हुन अगाडि नै पोखराले चितवनका विदेशी खेलाडीको श्रम स्वीकृतिको कागजात माग गरेको थियो।

आज सार्वजनिक बिदा भएको कारण सम्पुर्ण प्रक्रिया पुरा गरे पनि कागजात नआएको तर युवा तथा खेलकुद मन्त्रालय र राष्ट्रिय खेलकुद परिषदको पत्र पनि आयोजकलाई बुझाएको भनाई चितवनको छ। तर पोखराले सक्कल कागजात खोज्दा विवाद भएको हो।

भोलि बुटवल लुम्बिनी र धनगढी एफसीबीच खेल हुनेछ।

April 2, 2025

तनावपूर्ण खेलमा ललितपुर विजयी

काठमाडौं (हाम्रो खेलकुद)- तेस्रो एनसेल नेपाल सुपर लिग (एनएसएल) मा साविक विजेता ललितपुर सिटी एफसीले पहिलो जित निकालेको छ। तनावपूर्ण खेलमा आज ललितपुरले पोखरा थन्डर्सलाई ३-२ ले हरायो। पोखराको यो लगातार दोस्रो हार हो। दशरथ रंगशालामा भएको खेलमा ललितपरले ११ औं मिनेटमा नै अग्रता बनायो। विदेशी खेलाडी जोनाथन इडवार्डोको कर्लिङ कर्नर प्रहार पोखराका गोलकिपर गिलामो […]

April 2, 2025

पहिलो हाफमा ललितपुरको अग्रता

काठमाडौं (हाम्रो खेलकुद)- तेस्रो एनसेल नेपाल सुपर लिग (एनएसएल) मा आज ललितपुर सिटी एफसी र पोखरा थन्डर्स एफसीबीचको खेल जारी छ। पहिलो हाफको समाप्तीमा ललितपुरले २-१ को अग्रता बनाएको छ। दशरथ रंगशालामा भएको खेलमा साविक विजेता ललितपरले ११औं मिनेटमा अग्रता बनायो। विदेशी खेलाडी जोनाथन इडवार्डोको कर्लिङ कर्नर प्रहार पोखराका गोल किपर गिलामो प्रिसोलाई डिफलेक्ट हुँदै […]

April 2, 2025

प्लानिङ ब्वाइज र वीरगन्ज युनाइटेड विजयी

काठमाडौं (हाम्रो खेलकुद) – शहिद स्मारक बि डिभिजन लिग अन्तर्गत बुधबार प्लानिङ ब्वाइज युनाइटेड र वीरगन्ज युनाइटेडले जित दर्ता गरेका छन् । प्लानिङ ब्वाइजले लिगमा लगातार चौथो जित निकाल्ने क्रममा ब्वाइज युनियन क्लबलाई २-१ ले हराएको हो । खेलको १२ औं मिनेटमा प्लानिङ ब्वाइजले पहिले अग्रता बनायो । पुजन थापाको पासमा प्रताप सिंहले बक्स बाहिरबाट […]

Success

Thank you for your time.