3 days ago
March 30, 2025
काठमाडौं (हाम्रो खेलकुद) – शहिद स्मारक बी डिभिजन लिगमा आइतबार रानी पोखरी कर्नर टिम (आरसिटी) र टुसाल युथ क्लबले पहिलो जित दर्ता गरेका छन् ।
यसअघि लिगको पुछारमा रहेको आरसीटीसँग नयाँवस्ती युथ क्लब २-१ ले पराजित भयो । त्यस्तै टुसालले शत प्रतिशत नतिजा ल्याएको सरस्वती युथ क्लबलाई१-० ले हरायो ।
एन्फा कम्प्लेक्समा आज भएको दोस्रो खेलमा आरसिटीले १० औं मिनेटमा प्रज्वल गुरुङले गोल गरे । उनले टाइट एङ्गलबाट गरेको प्रहार गोल भएको थियो । तर यो अग्रता २१ औं मिनेटमा तोडियो । नयाँवस्तीका पूर्ण बहादुर गुरूङले करिब २० यार्ड टाढाबाट हानेको प्रहार सीधै गोलमा परिणत भयो। यो सँगै पहिलो हाफ १-१ को बराबरीमा सकियो ।
आरसीटीले दोस्रो हाफमा पुन: अग्रता बनायो । निखिल तामाङले ६४ औं मिनेटमा डिफेेन्डरलाई बिट गर्दै गरेको बलले सही दिशा लियो । यही गोल निर्णायक बन्दा आरसीटीले २-१ को जित दर्ता गर्यो ।
लगातारको दुई हारपछि आरसीटीको यो पहिलो जित हो। उसले ३ खेलबाट ३ अंक बनाएको छ। ३ खेल नै खेलेको नयाँवस्तीसँग भने १ अंक रहेको छ ।
त्यसअघि एन्फा कम्प्लेक्समा भएको पहिलो खेलमा टुसालले लयमा रहेको सरस्वतीलाई हरायो । खेलको पहिलो मिनेटमा नै कमल विश्वकर्माले गोल गरे । अफसाइड ट्रयाप बिट गर्दै उनले गोलरक्षकलाई छलाएर सहजै गोल गरे ।
लिगमा लगातार दुई जितका साथ राम्रो सुरुवात गरेको सरस्वती दोस्रो हाफमा पनि खेलमा फर्कन सकेन । टुसालले पनि थप गोल प्रहार गर्न नसक्दा कमलको गोल नै निर्णायक बन्यो ।
१-० को जितमा टुसालले पहिलो जितकासाथ ३ अंक प्राप्त गर्यो। यसअघिको दुई खेलमा टुसालले बराबरी नतिजा निकालेको थियो । ३ खेलबाट टुसालले ५ अंक बनाएको छ । यसअघि लगातार दुई खेल जितेर पहिलो हार बेहोरेको सरस्वतीसँग ६ अंक रहेको छ ।
तेस्रो चरणको समाप्कतिमा अंक तालिका:
April 3, 2025
एजेन्सी – बार्सिलोनाले कोपा डेल रेको फाइनल पुगेको छ। एट्लेटिको म्याड्रिडलाई बुधवार १-० ले पराजित गर्दै बार्सिलोनाले चार सिजनपछि पहिलो पटक कोपा डेल रे फाइनलमा स्थान बनाएको हो । यो नतिजाले कोपा डेल रेको फाइनल रियल म्याड्रिडविरुद्ध ‘ एल क्लासिको’ तय भएको छ । फेरान टोरेसले पहिलो हाफमा विजयी गोल गरे । त्यसले क्याटालान क्लबलाई […]
April 2, 2025
काठमाडौं (हाम्रो खेलकुद)- तेस्रो एनसेल नेपाल सुपर लिग (एनएसएल) मा साविक विजेता ललितपुर सिटी एफसीले पहिलो जित निकालेको छ। तनावपूर्ण खेलमा आज ललितपुरले पोखरा थन्डर्सलाई ३-२ ले हरायो। पोखराको यो लगातार दोस्रो हार हो। दशरथ रंगशालामा भएको खेलमा ललितपरले ११ औं मिनेटमा नै अग्रता बनायो। विदेशी खेलाडी जोनाथन इडवार्डोको कर्लिङ कर्नर प्रहार पोखराका गोलकिपर गिलामो […]
April 2, 2025
काठमाडौं (हाम्रो खेलकुद)- तेस्रो एनसेल नेपाल सुपर लिग (एनएसएल) मा आज ललितपुर सिटी एफसी र पोखरा थन्डर्स एफसीबीचको खेल जारी छ। पहिलो हाफको समाप्तीमा ललितपुरले २-१ को अग्रता बनाएको छ। दशरथ रंगशालामा भएको खेलमा साविक विजेता ललितपरले ११औं मिनेटमा अग्रता बनायो। विदेशी खेलाडी जोनाथन इडवार्डोको कर्लिङ कर्नर प्रहार पोखराका गोल किपर गिलामो प्रिसोलाई डिफलेक्ट हुँदै […]