काठमाडौं (हाम्रो खेलकुद)- ललितपुर सिटी एफसीबाट
नेपाल सुपर लिग (एनएसएल) खेल्न  इमोह इजेकिएल र पापा इबोउ केबे आज नेपाल आइपुगेका छन्।

ललितपुर गत संस्करणमा‌ च्याम्पियन हुँदा इमोह र पापा दुवै टोलीको सदस्य थिए। ६ गोल गर्दै इमोह   गोल्डेन बुट पनि जितेका थिए ।विजेता समेत हुन। धनगढी एफसी विरुद्धको‌ फाइनलमा उनले २ गोल गरेका थिए।

इमोहले  सन् २०१४ मा मेक्सिको विरुद्ध नाइजेरियाको राष्ट्रिय टिमबाट डेब्यु गरेका थिए ।  उनले २०१६ मा ब्राजिलमा भएको रियो ओलम्पिकमा नाइजेरिया यु २३ टिमबाट खेल्दै काँस्य पदक जितेका थिए ।

उनले  बेल्जियमको शीर्ष श्रेणीको लिग स्टान्डर्ड लिग , आरएससी एन्डरलेक्ट र स्पेनको लस पल्मसबाट पनि खेलेका छन् ।

ललितपुर सिटी एफसँग फेरि पनि जोडिन पाउँदा उनले निकै उत्साहित भएको बताएका छन्।

फ्रेन्च फरवार्ड पापा इबो केबेले पनि उनले फेरि पनि ललितपुरबाट नै एनएसएल खेल्न पाउदा धेरै खुसी लागेको बताएका छन्।

इमोह र पापाको आगमनले टोली थप मजबुत भएको ललितपुरको विश्वास छ ।  राष्ट्रिय टोलीका डिफेन्डर अनन्त तामाङ ललितपुरको मार्की प्लेयर हुन् ।

पूर्व विजेता काठमाडौं रेजर्ससँग शनिवार उद्घाटन खेल खेल्दै ललितपुरले उपाधि रक्षाको यात्रा सुरु गर्नेछ।