5 hours ago
March 25, 2025
काठमाडौं (हाम्रो खेलकुद)- मलेसियाविरुद्ध आज हुने एएफसी एसियन कप छनोटमा नेपाली राष्ट्रिय फुटबल टोलीमा अघिल्लो खेलको पहिलो रोजाईमा एक खेलाडी परिवर्तन गरिएको छ ।
सिंगापुर विरुद्ध शुक्रवार भएको खेलको पहिलो रोजाईमा रहेका अन्जन विष्टको ठाउँमा लकेन लिम्बुलाई समावेश गरिएको छ।
मुख्य प्रशिक्षक म्याट रोसले अन्य १० खेलाडीलाई निरन्तरता दिएका छन् । नेपालले पहिलो पटक सिंगापुरलाई १-० ले हराएको थियो। त्यसमा जिलेस्पीजंग कार्कीले गोल गरेका थिए ।
जिलेस्पीसहित कप्तान तथा गोलकिपर किरण चेम्जोङ, रोहित चन्द,अनन्त तामाङ, सनिश श्रेष्ठ,सुमन श्रेष्ठ, एरिका विष्ट, सुमित श्रेष्ठ, आयुष घलान र मनिष डाँगीलाई निरन्तरता दिएका छन् ।
नेपाललाई अहिले सम्म मलेसियालाई हराउन सकेको छैन
नेपाल र घरेलुु टोली मलेसियाबीच इब्राहिम सुल्तान स्टेडियममा नेपाली समय अनुसार राति ७:४५ बजे खेल सुरु हुनेछ।
पुरुष फुटबलमा नेपालले मलेसियालाई अहिले सम्म हराउन सकेको छैन । इतिहासमा मलेसिया बलियो छ। नेपाल सामू इतिहास रच्ने मौका छ।
अहिलेसम्म नेपालले मलेसियासँग ७ पटक खेलेको छ। नेपाल मलेसियासँग ६ पटक हारेको छ। एक पटक गोलरहित बराबरीको नतिजा निकालेको छ।
नेपालले मलेसिया विरूद्ध अहिलेसम्म गोल समेत गर्न सकेको छैन, उल्टो २३ गोल खाएको छ।
फिफा वरियतामा मलेसिया नेपाल भन्दा ४३ स्थान माथि छ। मलेसिया १ सय ३२ औं र नेपाल १ सय ७५ औं स्थानमा छ।
आजको खेल नेपालमा हुनुपर्ने हो। तर दशरथ रंगशालालाई अन्तराष्ट्रिय मान्यता नभएको कारण नेपाली टोली मलेसिया गएको हो।
यो पटकको छनोटमा एसियाका २४ टिमलाई ६ समूहमा विभाजित गरिएको छ। नेपाल रहेको समूह ‘एफ’ मा मलेसिया, भियतनाम र लाओससँग रहेको छ।
होम एण्ड अवे प्रणालीमा खेलाइने छनोटपछि प्रत्येक समूहको शीर्ष टोली एसियन कपमा छनोट हुनेछ।
March 25, 2025
काठमाडौं (हाम्रो खेलकुद) – नेपाली राष्ट्रिय फुटबल टोलीले एएफसी एसियन कप छनोटको समूह चरण अन्तर्गत पहिलो खेलमा मलेसियासँग २-० को हार बेहोर्यो । मलेसियाको जोहोर बारूस्थित सुल्तान इब्राहिम रंगशालामा नेपाल २-० ले पराजित भएको हो । पहिलो हाफमा १-० को अग्रता लिएको मलेसियाले दोस्रो हाफमा अर्को गोल थपेको थियो । मलेसियाका लागि पहिलो हाफमा हेक्टर […]
March 25, 2025
काठमाडौं (हाम्रो खेलकुद) – एएफसी एसियन कप २०२७ को छनोट चरण अन्तर्गत समूहको पहिलो खेलमा नेपाल मलेसियासँग पराजित भएको छ । मलेसियाको जोहोर बारूस्थित सुल्तान इब्राहिम रंगशालामा नेपाल २-० ले पराजित भएको हो । पहिलो हाफमा १-० को अग्रता लिएको मलेसियाले दोस्रो हाफमा अर्को गोल थपेको थियो । खेलको २९ औं मिनेटमा घरेलु टोलीले अग्रता […]
March 25, 2025
सुमन अधिकारी, बुटवल मच्छिन्द्र एफसी रुपन्देहीमा जारी २३ औं तिलोत्तमा गोल्ड कप फुटबल प्रतियोगिताको सेमिफाइनल पुगेको छ। भारतको अडोर्न गडवा स्पोर्टिङ क्लबलाई आज १-० ले हराउँदै मच्छिन्द्र अन्तिम चारमा पुगेको हो । योसँगै प्रतियोगिताको सेमिफाइनल समीकरण पूरा भएको छ। देविनगरस्थित एन्फा टेक्निकल खेलमैदानमा भएको रोमान्चक खेलमा मच्छिन्द्रको जितमा राजिव लोक्चन एकमात्र गोले गरेका हुन । […]
