सुमन अधिकारी, बुटवल

रुपन्देहीको पुरानो तिलोत्तमा गोल्डकप फुटबल प्रतियोगिता शनिवार हुँदैछ ।

देविनगरस्थित एन्फा टेक्निकल खेलमैदान प्रतियोगिता आयोजना हुने प्रतियोगिताको तयारी पूरा भएको शुक्रवार पत्रकार सम्मेलन गरि रुपन्देही जिल्ला फुटबल संघका अध्यक्ष लोक पुनले बताए ।

उद्घाटन खेल आयोजक करेन्ट रुपन्देही ११ र एपिएफ फुटबल क्लबबीच हुनेछ ।

प्रतियोगितामा संकटा एफसी, मच्छिन्द्र एफसी, चर्च ब्याइज युनाइटेड, नेपाल पुलिस क्लब,विदेशी टोली एडोर्न गडवाल स्पोर्टिङ क्लब, जर्जियन एफसी गरि ८ टोलीको सहभागिता रहेको छ ।

बुटवल उपमहानगरपालिकाको संरक्षक तथा यशोदा फुड्स प्रालि र त्रिमुर्ति ईण्डस्ट्रिज प्रालिको मुख्य प्रायोजक, प्रदेश खेलकुद परिषद लुम्बिनी मुख्य सहयोगी संस्था रहेको प्रतियोगिताको २३ औ संस्करणमा पुरस्कार राशीमा अघिल्लो संस्करणभन्दा १ लाख रुपैया वृद्धि गरिएको अध्यक्ष पुनले जनाएका छन् ।

चैत १६ गतेसम्म हुने प्रतियोगिताको विजेता टोलीलौ उपाधिसहित १२ लाख १२ हजार २ सय २२ रुपैयाँ र दोस्रो टोलीले ६ लाख, ६६ हजार, ६ सय, ६६ रुपैयाँ प्राप्त गर्नेछ।

प्रतियोगिताका सर्वोत्कृष्ट खेलाडीले स्कुटर वा मोटरसाइकल प्राप्त गर्नेछन्। विधागत उत्कृष्ट खेलाडीहरुलाई गोलरक्षक, डिफेन्डर, मिड फिल्डर, फरवार्ड, प्रशिक्षकले समान ३१ हजार रुपैयाँ प्राप्त गर्नेछन् ।

प्रत्येक दिनको म्यान अफ दी म्याचलाई नगद ११ हजार १ सय ११ रुपैयाँबाट पुरस्कृत गरिनेछ । साविक विजेता मनाङ मस्र्याङदी क्लबले भने यसपटक भएको छैन ।