लन्डन (एजेन्सी)– इङ्लिस लिग कपको फाइनलमा आइतबार राती प्रिमियर लिगका दुई टोली म्यान्चेस्टर युनाइटेड र साउथह्याम्प्टन भिड्दै छन् । वेम्ब्ली मैदानमा हुने खेलमा साउथह्याम्प्टनले सन् १९७६ पछि पहिलो महत्वपूर्ण प्रतियोगितामा जित्ने दाउमा रहनेछ भने जोसे माउरिन्हो पनि युनाइटेड पुगेयता टोलीलाई पहिलो उपाधि दिलाउने प्रयासमा हुनेछन् ।

पहिलो लेगमा हल सिटीलाई २–० ले पछि पारेको युनाइटेडले दोस्रो लेग २–१ गुमाएपनि ३–२ समग्र अग्रतामा उपाधि नजिक पुगेको थियो । साउथह्याम्प्टनले लिभरपुललाई दुवै लेगमा समान १–० ले हराउदै २–० को समग्र अग्रतासहित फाइनल पुगेको थियो ।

केहि दिनयता चिनियाँ लिगमा आबद्ध हुने चर्चाका बीच युनाइटेडका कप्तान वायन रुनीले पनि फाइनल खेल्ने माउरिन्हो जनाएका छन् । युनाइटेडमा पहिलो सिजन बिताइरहेका माउरिन्हाले आफु क्लब प्रति समर्पित र क्लबलाई पहिलो ट्रफी जिताउन प्रतिबद्ध रहेको बताएका छन् । माउरिन्होले भने,‘युनाइटेडले गत सिजन एफए कप जितेको थियो, यो सिजन पनि ट्रफी जिताउन हामी केन्द्रित छौ ।’

२०१० को जोनस्टोन पेन्ट ट्रफी को फाइनलमा कार्सेललाई हराए यता वेम्ब्ली मैदानमा पहिलो पटक खेल्ने तयारीमा रहेको साउथह्याम्प्टनका प्रशिक्षक क्लाउडे प्युल पनि पहिलो सिजनमा क्लबलाई सफलता दिलाउने प्रयासमा हुनेछन् । उनले भने, ‘यो समर्थकहरुको लागि महत्वपूर्ण ठूलो क्षण हो । समर्थकलाई खुसी र आनन्द पार्न हामी हरसम्भव प्रयास गर्नेछौं ।’

खेल नेपाली समयानुसार रातको १०:१५ बजे सुरु हुनेछ।