default_image

4 hours ago

March 18, 2025

सिंगापुर र मलेसिया जाने फुटबल टिमको बिदाइ

433 views

0 Bookmark

काठमाडौं (हाम्रो खेलकुद) – अन्तराष्ट्रिय मैत्रिपूर्ण खेल र एएफसी एसियन कप छनोट खेल्ने नेपाली राष्ट्रिय फुटबल टिमलाई बिदाई गरिएको छ ।

राष्ट्रिय खेलकुद परिषदका सदस्य सचिव टंकलाल घिसिङ तथा एन्फा अध्यक्ष पंकज विक्रम नेम्वाङ लगायतका पदाधिकारीहरूले नेपाली टिमलाई सफलताको शुभकामना दिँदै बिदाई गरे । नेपाली टोली आज नेपालबाट प्रस्थान गरेर मलेसिया ट्रान्जिट हुँदै भोली सिंगापुर पुग्नेछ ।

नवनियुक्त प्रशिक्षक म्याट रोसको लागि सिंगापुर विरूद्धको मैत्रिपूर्ण खेल पहिलो जिम्मेवारी हुनेछ। नेपालले चैत्र ८ गते सिंगापुर विरूद्ध अन्तराष्ट्रिय मैत्रिपूर्ण खेल खेल्नेछ। लगत्तै १२ गते एएफसी एसियन कप छनोट अन्तर्गत मलेसियसँग खेल्ने तालिका रहेको छ।

यी दुई खेलको लागि उनले १३ दिनको समय नेपाली टिमसँग प्रशिक्षणमा बिताए। उनले खेलाडीको प्रतिभा र उनीहरूको व्यवहार उत्कृष्ट रहेको बताए।

पहिलो जिम्मेवारीलाई प्रशिक्षक रोसले दबाब भएपनि त्यसलाई हावी हुन नदिएको बताए । उनले दबाबसँगै उत्साही रहेको भन्दै सकारात्मक नतिजाको अपेक्षा गर्न सक्ने बताए। साथै उनले यो पटक नेपालले साफ च्याम्पियनसीप जित्नेमा विश्वस्त रहेको पनि जिकिर गरे ।

उनले यो पटक तीन नयाँ खेलाडी गोलरक्षक अञ्जल श्रेष्ठ, डिफेन्डर रक्षक सुमन श्रेष्ठ‌ र स्ट्राइकर सुवास बम ठकुरी सहित राष्ट्रिय टिम निर्माण गरेका छन्।

कप्तान किरण चेम्जोङले नयाँ प्रशिक्षकको शैलीमा खासै परिवर्तन नभए पनि टिममा आएको फरक आगामी खेलमा देख्न पाइने बताए। मलेसियासँगको खेल नेपालमा हुनुपर्ने हो। तर दशरथ रङ्गशालाको स्तरको कारण खेल मलेसियामा हुन लागेको हो ।

किरणले दशरथ रङ्गशालामा खेल्न नपाउँदा दुख लागेको पनि बताए । उनले प्रधानमन्त्री केपाी शर्मा ओली समक्ष समेत दशरथ रङ्गशालामा खेल्ने वातावरण मिलाइदिन आग्रह गरेको बताए ।

नेपालले अफगानिस्तानसँग पछिल्लो पटक मैत्रिपुर्ण खेल खेलेको थियो। जहाँ नेपाल २-० को जित निकाल्न सफल भएको थियो।

एएफसी एसियन कप छनोटमा नेपाल ग्रुफ ‘एफ’ मा मलेसिया, भियतनाम र लाओससँग रहेको छ।

नेपाली टिम

गोलरक्षक: किरण चेम्जोङ, दीप कार्की, अञ्जल श्रेष्ठ

डिफेन्डर: अनन्त तामाङ, विमल पाण्डे, सनिस श्रेष्ठ, रणदीप पौडेल, सुमित श्रेष्ठ, अभिषेक लिम्बु, सुमन श्रेष्ठ

मिडफिल्डर: रोहित चन्द, लाकेन लिम्बु, रोहन कार्की, मणि लामा, भरत खवास, एरिक बिस्ट, मनिष डाँगी, कृतिश रत्न छुन्जु, आयुष घलान

स्ट्राइकर: जिलेस्पी जंग कार्की, अन्जन बिष्ट, सुवास बम ठकुरी, रेजिन सुब्बा

March 18, 2025

श्रेष्ठलाई यु १९ टोलीको मुख्य प्रशिक्षक नियुक्त

काठमाडौं (हाम्रो खेलकुद)- अखिल नेपाल फुटबल संघ (एन्फा) ले उर्जन श्रेष्ठलाई नेपाली यु १९ पुरुष टोलीको मुख्य प्रशिक्षक नियुक्त गरेको छ। अर्को महिना भारतमा आयोजना हुने साफ यु-१९ च्याम्पियनसिपका लागि एन्फाले श्रेष्ठलाई युवा टोलीको जिम्मेवारी दिएको हो‌। एन्फा महासचिव किरण राईले प्रशिक्षक श्रेष्ठलाई आज नियुक्त पत्र प्रदान गरे। यसअघि पनि उनले नेपालमा भएको साफ यु-२० […]

March 18, 2025

श्री भगवतीको लगातार दोस्रो जित

काठमाडौं (हाम्रो खेलकुद) – शहिद स्मारक बी डिभिजन लिगमा श्री भगवती क्लबले लगातार दोस्रो जित हात पारेको छ । आज ब्रिगेड ब्वाइज क्लबलाई २-० ले हराउँदै श्री भगवतीले महत्वपुर्ण ३ अंक जोडेको छ । एन्फा कम्प्लेक्समा भएको खेलको ३० औं मिनेटमा श्री भगवतीले अग्रता बनायो । विक्रान्त नरसिंह रानाको पासमा सुलेमान थापा मगरको लेफ्ट फुटेड […]

March 18, 2025

साफ यू-१९ पुरुष च्याम्पियनसिपको खेल तालिका सार्वजनिक

काठमाडौं (हाम्रो खेलकुद) – भारतको अरुणाचल प्रदेशमा हुने साफ यू-१९ पुरुष च्याम्पियनसिपको खेल तालिका सार्वजनिक भएको छ । नेपालले आफ्नो पहिलो खेल वैशाख २८ मा श्रीलङ्कासँग खेल्नेछ । दोस्रो खेलमा नेपालले चिरप्रतिद्वन्द्वी भारतको सामना वैशाख ३० गते गर्नेछ । नेपाल समूह ‘बी’ मा भारत र श्रीलङ्कासँग रहेको छ । समूह ‘ए’ मा बङ्गलादेश, माल्दिभ्स र […]

Success

Thank you for your time.