हिमाल खरेल,मेचीनगर

पेनोरिस–११ झापाको मेचीनगर–४ बाहुनडाँगीमा जारी इन्डो–नेपाल टि–ट्वान्टी क्रिकेट प्रतियोगिताको फाइनलमा पुगेको छ।

आज भएको पहिलो सेमिफाइनलमा बौद्धमोड क्रिकेट क्लबलाई ३६ रनले पराजित गर्दै पेनोरिस–११ उपाधि नजिक पुगेको हो।

सरस्वती माविको खेल मैदानमा टस जितेर पहिलो ब्याटिङ गरेको पेनोरिसले १९.५ ओभरमा सबै विकेट गुमाउँदै १ सय ८३ रन बनाएको थियोे ।

टोलीका शुभांकर देवनाथले सर्वाधिक ४३ रन बनाए ।
त्यस्तै, सिन्टु देव र एमडी अहमदले समान २७, कुमार रोयले २५ तथा विनोमली रोय र अरिन्दम रक्षितले समान १७ रन बनाए ।

बलिङमा बौद्धमोडका लागि सुजन रिजालले सर्वाधिक ४, अमन विश्वकर्माले ३ , भोला रोयले २ र रोमसन एमडीले १ विकेट लिए ।

१ सय ८४ रनको विजयी लक्ष्य पछ्याउने क्रममा बौद्धमोडले निर्धारित २० ओभरमा सबै विकेट गुमाउँदै १सय ४७ रन बनाउन सक्यो ।

बौद्धमोडका लागि रमजान एमडीले सर्वाधिक ४० रन बनाए । त्यस्तै, सागर मजुमदारले २९ रन, रोशन शर्माले २४ तथा अमन विश्वकर्माले २२ रन बनाएका थिए ।

अन्य ब्याटर राम्रो प्रदर्शन गर्न नसक्दा बौद्धमोड सेमिफाइनलबाटै बाहिरिएको हो ।

बलिङमा पेनोरिसका लागि राकेश रोय र सुनिल घोषले समान ३, एमडी अहमदले २ तथा करणजीत शाह र बेनोमोली रोयले समान १ विकेट लिए ।

पेनोरिसका शुभांकर देवनाथ प्लेयर अफ दि म्याच घोषित भए। उनले १ हजार रुपैयाँ र मायाको चिनो प्राप्त गरे ।

चैत ४ गते हुने फाइनलको विजेता ५० हजार र दोस्रो हुनेले टोलीले ३० हजार रुपैयाँ, ट्रफी, मेडल प्राप्त गर्नेछ ।