जेनिथ लाई अन्तरस्कुल मध्यपुर नगरपालिका कप

काठमाडौं (हाम्रो खेलकुद) – जेनिथ एकेडेमीले दोस्रो अन्तरस्कुल मध्यपुर थिमी नगरपालिका कप फुटबल प्रतियोगिताको उपाधि जितेको छ । थिमी मैदानमा शनिबार भएको फाइनलमा विनायक शिक्षा निकेतलाई १–० ले हराउँदै उपाधि जितेको हो ।

सुशील तिमल्सिनाले ३५ औं मिनेटमा गरेको गोल नै जेनिथलाई उपाधि दिलाउन पर्याप्त रह्यो । सुशील नै फाइनलको म्यान अफ दी म्याच घोषित भए ।
मध्यपुर युथ एसोसिएनको आयोजना र मध्यपुर थिमी नगरपालिकाको मुख्य प्रायोजनमा जारी प्रतियोगिताको विजेता जेनिथले उपाधिसहित ३० र विनायकले १५ हजार रुपैयाँ प्राप्त गर्यो ।

विनायकका सुनिल योञ्जन प्रतियोगिताको सर्वोत्कृष्ट खेलाडी चुनिाए । प्रतियोगिताको उत्कृष्ट मिडफिल्डर सुप्रिमका रिकेश थापा, उत्कृष्ट रक्षक विनायकका सञ्जय प्रजापति र उत्कृष्ट स्ट्राइकर जेनिथका सुशील तिमल्सिना चुनिए । प्रतियोगितामा मध्यपुरका २० स्कुलको सहभागिता थियो ।