एजेन्सी – कल्लम हड्सन-ओडोईले खेलको अन्त्यतिर गोल गरेपछि नटिङ्घम फरेस्टको च्याम्पियन्स लिगमा छनोट हुने आशा बढेको छ।

उनको निर्णायक गोलमा इंग्लिस प्रिमियर लिगमा शनिवार फरेस्टले म्यानचेस्टर सिटीलाई १-० ले हराएको छ।

घरेलु मैदान सिटी ग्राउन्डमा ८३औं मिनेटमा हड्सन-ओडोईले गोल गर्नुअघि दुबै टोलीबीच खासै अन्तर देखिएको थिएन। तर, उनको शक्तिशाली प्रहारलाई सिटीका गोलकिपर एडर्सनले रोक्न सकेनन् ।

१४औं मिनेटमा निको गोन्जालेजले लामो दूरीबाट गरेको प्रहार पोस्टमा ठोक्किएको थियो । त्यो ने खेलमा सिटीको सबैभन्दा राम्रो मौका रहेको थियो।

हड्सन-ओडोईले पहिले नै एक उत्कृष्ट कर्लिङ प्रहार गरेको थिए । त्यसलाई गोलकिपर एडर्सनले बचाए। अन्तमा उनले फरेस्टलाई पुनः विजयी यात्रामा फर्काए। त्यसले ३ खेलको जितविहीन यात्रालाई टुंग्यायो।

फरेस्ट ५१ अंकसहित तेस्रो स्थानमा कायम छ। चौथो स्थानको सिटीको भन्दा फरेस्टको ४ अंक बढी छ। यदि आइतवार चेल्सीले लेस्टर सिटीलाई हराएको खपडमा सिटी शीर्ष चारबाट बाहिरिनेछ।

अन्य खेलमा लिभरपुलले साउथह्याम्टनलाई ३-१ ले, ब्राइटनले फुलहमलाई २-१, एस्टन भिल्लाले ब्रेन्टफोर्डलाई १-० ले, क्रिस्टल प्यालेसले इप्स्विचलाई १-० ले हरायो।

उल्भ्स र एभर्टनले १-१ को बराबरी खेले। शीर्ष स्थानको लिभरपुलको ७० र दोस्रो स्थानको ५४ अंक छ।