एजेन्सी – प्रिमियर लिगको शीर्षस्थानमा रहेको लिभरपुलले च्याम्पियन्स लिग अन्तिम १६ को पहिलो लेगमा आज पेरिस सेन्ट जर्मन (पिएसजी) सँग प्रतिस्पर्धा गर्दैछ।

आर्सनलले पिएसभी आइन्डहोभन तथा एस्टन भिल्लाले ब्रुगको सामना गर्नेछ। साविक विजेता रियल म्याड्रिडले नकआउट चरणको प्ले-अफमा म्यानचेस्टर सिटीलाई पराजित गरेको थियो।

रियलले ला लिगा प्रतिद्वन्द्वी एट्लेटिको म्याड्रिडसँग खेल्नेछ। जर्मन डर्बीमा बायर्न म्युनिखले बायर्न लेभरकुसेनबीच प्रतिस्पर्धा हुनेछ।

सन् २०१८-१९ पछि लिभरपुल र पिएसजीबीचको पहिलो भेट हुँदैछ। यि दुई‌ टोलीको विजेताले क्वार्टरफाइनलमा एस्टन भिल्ला वा क्लब ब्रुगको सामना गर्नेछ।

आर्सनलले पिएसभीलाई पराजित गरको खण्डमा १५ पटकको रेकर्ड विजेता रियल वा एट्लेटिकोलाई प्रतिद्वन्द्वीको रूपमा भेटाउनेछ। लिभरपुल र पिएसजीबीचको भिडन्त निकै रोमाञ्चक हुने अपेक्षा गरिएको छ।

पिएसजी प्रतियोगिताबाट बाहिरिने स्थितिमा थियो। तर अन्तिम समयमा उत्कृष्ट प्रदर्शन गर्दै समूह चरणमा १५औं स्थानमा रहेर अन्तिम १६ मा थियो।

पिएसजीसँग ओस्मान डेम्बेले रहेका छन्। उनी लिगको उत्कृष्ट स्कोररमध्ये एक हुन्। जारी सिजनमा उनले ६ गोल गरिसकेका छन्।

लिभरपुलले फ्रेन्च क्लब विरुद्ध पछिल्ला ५ अवे खेल जित्न सकेको छैन। यदि लिभरपुलले लुइस एनरिकेको टोलीलाई हराए अप्रिलमा उनीहरूको सामना प्रिमियर लिग प्रतिद्वन्द्वी एस्टन भिल्लासँग हुनेछ। यसको लागि एस्टन भिल्लाले बेल्जियन च्याम्पियन क्लब ब्रुगलाई हराउनुपर्नेछ।

आर्सनलको प्रतिद्वन्द्वी पिएसभी आइन्डहोभेन साविक डच च्याम्पियन हो। जसले जनवरीमा लिभरपुलको कमजोर टोलीलाई ३-२ ले पराजित गर्दै समूह चरणमा १४औं स्थान हासिल गरेको थियो।

आर्सनलले च्याम्पियन्स लिगको समूह चरणमा पिएसभीलाई तीन पटक हराइसकेका छ। जसमा पछिल्लो जित गत सिजनको ४-० को फराकिलो अन्तरको हो।

भिल्ला र क्लब ब्रुगको खेल नेपाली समयअनुसार राति ११: ३० र बाँकी खेल राति १:४५ बजे सुरु हुनेछ।