आयोजक एपिएफ स्कुल च्याम्पियन

काठमाडौं (हाम्रो खेलकुद)- आयोजक कीर्तिपुरको नेपाल एपिएफ स्कुल ‘ए’ले दोस्रो अन्तर विद्यालय सशस्त्र प्रहरी महानिरीक्षक रनिङ्ग ट्रफी फुटबल प्रतियोगिताको उपाधि जितेको छ।

सल्लाघारीको सैनिक आवासीय महाविद्यालयलाई बिहीवार ५-० ले हराउँदै एपिएफ च्याम्पियन बनेको हो ।
सैनिकका इसान तामाङ प्लेयर अफ दि म्याच घोषित भए।

विजेता टोलीले ६० हजार रुपैयाँसहित रनिङ्ग ट्रफी प्राप्त गर्यो । दोस्रो सैनिक आवासीयले २० हजार र तेस्रो नेपाल पुलिस स्कुल, साँगाले १० हजार रुपैयाँ प्राप्त गर्यो ।

सशस्त्र प्रहरी महानिरीक्षक राजु अर्यालले विजेता , उपविजेता टोलीका खेलाडीलाई पुरस्कृत गरे।

नेपाल एपिएफ स्कुलका रोशन बुढात प्रतियोगिताको सर्वोत्कृष्ट गोलकिपर , टेन्जिङ्ग शेर्पा सर्वोत्कृष्ट खेलाडी,विकास बोहोरा सर्वाधिक गोलकर्ता रहे । ब्राइट होराइजन चिल्डेन होम, मातातिर्थ अनुशासित टोली घोषित भयो।

नेपाल एपिएफ स्कुल कीर्तिपुरको २० औँ स्थापना दिवसको अवसरमा माघ २० गतेदेखि प्रतियोगिता आयोजना भएको थियो।