1 day ago
February 20, 2025
काठमाडौं (हाम्रो खेलकुद)- नेपाल र म्यानमार एक खेल अगावै फोर नेसन्स उमन्स इन्टरनेसनल फुटबल च्याम्पियनसिपको फाइनलमा प्रवेश गरेका छन्।
नेपाल र म्यानमार दुवैले लगातार दुई खेल जित्दै फाइनल मा एकअर्कासँगको भेट पक्का गरेका छन् । नेपालले बिहीवार लेबनानलाई १-० ले हराएपछि म्यानमारसँगै नेपाल फाइनल पुगेको हो। आजै पहिलो खेलमा म्यानमारले कीर्गिस्तानलाई ५-० ले हराएको थियो।
सावित्रा भण्डारी ‘साम्बा’ले पहिलो हाफमा गरेको गोल नेपालको जितका लागि पर्याप्त रह्यो।
दशरथ रंगशालामा लेबनान विरूद्ध नेपालले खेल अवधिभर दबाब बनायो। गोल गर्ने अवसर आधा दर्जन भन्दा बढि सिर्जना गर्यो। जहाँ एक गोल मात्र संभव भयो।
खेलको नवौं मिनेटमा लेबनानको प्रयास सफल भएन। नेपालको डिफेन्सिभ ल्याकमा क्रिस्टि मलाउफले बक्स भित्रबाट हानेको प्रहारलाई गोल किपर एञ्जिला तुम्बाप्पो सुब्बाले पन्च गरेर बचाइन्।
खेलको दशौं मिनेटमा नेपालले पनि मौका गुमायो। विमला चौधरीले ६ यार्ड बक्स नजिकैबाट हानेको प्रहार आकाशियो।
खेलको १३ औं मिनेटमा लेबनानकी लायला इस्कन्दरले पाएको मौकालाई गोलमा परिणत गर्न सकिनन्। यसपछि १५ औं मिनेटमा प्रीति राईले हानेको लङ रेन्ज सट क्रसबार नजिकैबाट बाहिरियो।
३१ औं मिनेटमा लेबनानकी क्रिस्टी मलाउफले दिएको क्रसमा लायला स्कन्दरले कनेक्ट गर्नुभन्दा पहिले नै गोल किपर एञ्जिलाले खुट्टाले बचाइन् र पुजा रानाले बल क्लीयर गरिन्।
यसपछि नेपालले ४२ औं मिनेटमा अग्रता बनायो। विमलाको कर्नरमा लेबनानकी लायला इस्कन्दरले क्लियर गरेको बललाई साम्बाले बक्स बाहिरबाट हानेको पावरफुल सट फराह इल टयारलाई रुफ्लेक्ट हुँदै गोलमा परिणत भयो। यो सँगै नेपालले पहिलो हाफमा १-० को अग्रता बनायो।
५९ औं मिनेटमा नेपालले अग्रता दोब्बर बनाउने उत्कृष्ट मौका खेर फाल्यो। साम्बाले दिएको सटिक क्रसमा अनमार्क पोजिसनमा रहेकी सविता राना मगरले हानेको प्रहार आकाशियो।
दोस्रो हाफमा तीन खेलाडी परिवर्तन गर्यो। यो क्रममा प्रमुख स्टाइकर लायला इस्कन्दरलाई समेत परिवर्तन गरेको थियो। तर पनि लेबनानले उत्कृष्ट मुभहरू बनाउन सकेन्। इन्जुरी समयमा जवहा अरबीले बक्स बाहिबाट हानेको प्रहार क्रसबारमा लागेर फर्कदा नेपाल गोल खानबाट जोगियो।
दोस्रो हाफमा दुवै टिमबाट गोल नहुँदा साम्बा कै गोल निर्णायक बन्यो। १-० को जितमा लगातारको दोस्रो जित सहित नेपालले फाइनलमा स्थान बनायो। म्यानमारले पहिलो खेलमा लेबनानलाई ३-१ ले हराएको थियो।
च्याम्पियनसिपमा आइतवार लिगमा पहिलो खेल २ बजे लेबनान र कीर्गिस्तान तथा दोस्रो खेल साँझ ६ नेपाल र म्यानमारबिच हुनेछ।
February 21, 2025
काठमाडौं (हाम्रो खेलकुद)- नेपाल सुपर लिग (एनएसएल) को साविक विजेता ललितपुर सिटी एफसीले अनन्त तामाङलाई मार्की खेलाडीमा निरन्तरता दिएको छ। राष्ट्रिय फुटबल टोलीका महत्वपूर्ण सदस्य समेत रहेका डिफेन्डर अनन्तकै कप्तानीमा ललितपुरले एनएसएलको दोस्रो संस्करण जितेको थियो। सामाजिक सन्जालमार्फत ललितपुरले शुक्रवार अनन्तलाई निरन्तरता दिएको जनाएको छ। तेस्रो सिजनका लागि मार्कीमा निरन्तरता पाउने अनन्त मात्र खेलाडी हुन्। […]
February 21, 2025
हिमाल खरेल,भद्रपुर आयोजकको टोली भद्रपुर ब्लेजर्स सौर्य एअर ओम साई पाथिभरा हस्पिटल गम्भीर राई स्मृति संस्करण भद्रपुर झापा गोल्डकप अन्तर्राष्ट्रिय आमन्त्रण नकआउट फुटबल प्रतियोगिताको सेमिफाइनलमा पुगेको छ । भद्रपुरस्थित मेची रंगशालामा आज भएको पहिलो क्वार्टर फाइनलमा मिलन राईको २ गोलमा भद्रपुरले विभागीय टोली नेपाल पुलिस क्लबलाई २- १ ले पराजित गर्दै अन्तिम चारमा प्रवेश गरेको […]
February 21, 2025
काठमाडौं (हाम्रो खेलकुद) – बुटवल लुम्बिनी एफसीले नेपाल सुपर लिग (एनएसएल) को तेस्रो सिजनका लागि भुटानका पुष्पलाल तेन्द्रेल शर्मालाई मुख्य प्रशिक्षक नियुक्त गरेको छ । बुटवल लुम्बिनीले प्रेस विज्ञप्ति जारी गर्दै शर्मालाई प्रशिक्षकको जिम्मेवारी दिएको जानकारी दिएको हो । पछिल्लो केही वर्षयता भुटानको पारो एफसीको सफलतामा महत्वपुर्ण योगदान दिएका उनी नेपाली फुटबलमा पनि परिचित छन् […]
