देवदह ब्वाइजलाई लखन कप उपाधि

सुमन अधिकारी, बुटवल

देवदह ब्वाइज लखन कप नकआउट फुटबल प्रतियोगिताको उपाधि जितेको छ ।

आयोजक लखन ब्रदर्श क्लबलाई बुधवार २-१ ले पराजित गर्दै देवदहले उपाधि जितेको हो ।

देवदह उपाधिका साथ १ लाख ५१ हजार ५ सय १५ रुपैयाँ र लखन ७५ हजार ७ सय ५७ रुपैयाँ प्राप्त गरेको छ ।

देवदहका सुभाष थारु प्रतियोगिताको सर्वोत्कृष्ट खेलाडी घोषित भए र उनले१० हजार ५ सय रुपैयाँ प्राप्त गरे ।

लखनका सुजित डाँगी उत्कृष्ट डिफेन्डर, लखनकै जितेश गुरुङ उत्कृष्ट मिडफिल्डर, लखनकै मिलन आले सर्वाधिक गोलकर्ता, देवदहका टेक बहादुर मुखिया उत्कृष्ट गोलकिपर, सियारीका बलराम न्यौपाने उदयमान खेलाडी घोषित भए । उनीहरुले समान ५ हजार ५ सय ५५ रुपैयाँ प्राप्त गरे ।

बुटवल उपमहानगरपालिकाको संरक्षकत्वमा भएको प्रतियोगीताका विजेता, उपविजेता टोलीलाई बुटवल उपमहानगरपालिकाका नगरप्रमुख खेलराज पाण्डेय, क्लबका अध्यक्ष सुदिप खत्री, क्लबका संरक्षक संयोजक राम बहादुर थापा, क्लबका सचिव निरन्जन पन्तले पुरस्कृत गरे।

माघ २२ देखि सन्चालित प्रतियोगितामा रुपन्देही, नवलपरासी गरि १६ टोलीको सहभागिता थियो ।