आयोजक लखन सेतो फाइनलमा

सुमन अधिकारी, बुटवल

आयोजक लखन ब्रदर्श युथ क्लब सेतो बुटवलमा जारी प्रथम लखन कप नकआउट फुटबल प्रतियोगिताको फाइनलमा प्रवेश गरेको छ ।

बुटवल उपमहानगरपालिकाको संरक्षकत्व जारी प्रतियोगिताको आइतवार पहिलो सेमिफाइनलमा सम्पूर्ण युवा क्लब सुपौलीलाई ४-० ले पराजित गर्दै लखन सेतो फाइनलमा प्रवेश गरेको हो ।

सिद्धेश्वर खेलमैदानमा भएको खेलको ५५ औं मिनेटमा आयोजक सेतोका कप्तान मिलन आलेले गोल गर्दै टोलीलाई अग्रता दिलाए । लगत्तै विनोद भट्टराईले अर्को गोल गरे ।

यसैगरि ६५ औं मिनेटमा मिलनले अर्को गोल गरे । ७० औं मिनेटमा मिलनले तेस्रो गोल गर्दै ह्याट्रिक पूरा गरे । मिलन नै प्लेयर अफ दी म्याच घोषित भए ।

प्रतियोगितामा सोमवार दोस्रो सेमिफाइनलमा सियारी गाँउपालिका र देवदह ब्वाइज क्लबबिच प्रतिस्पर्धा हुने क्लबका सचिव निरन्जन पन्तले बताए । फागुन ७ गतेसम्म चल्ने प्रतियोगितामा १६ टोलीले भाग लिएका छन ।