10 hours ago
February 15, 2025
पोखरा (हाम्रो खेलकुद)- आहा!रारा पोखरा गोल्डकप फुटबल प्रतियोगिताले नयाँ च्याम्पियन पाएको छ।
६ पटकको च्याम्पियन नेपाल पुलिस क्लबलाई शनिवार ३-१ ले हराउँदै उज्वेकिस्तानको ब्ल्याक बुल्स एफसीले २४ औं आहा राराको उपाधि जितेको छ।
आहा रारा जित्ने ब्ल्याक बुल्स दोस्रो विदेशी टोली बनेको छ। यसअघि २०६२ सालमा पुलिसलाई नै हराएर अफ्रिकन युनाइटेडले उपाधि जितेको थियो।
पाँच वर्षपछि आहा राराको फाइनलमा पुगेको पुलिस पाचौँ पटक उपविजेतामा सिमित बनेको हो। यसअघि सभापति कप, बुढासुब्बा, भरतपुर गोल्ड कप गरि ३ प्रतियोगितामा लगातार पहिलो खेलबाटै बाहिरिएको पुलिस आहा राराको भने ३ खेल जित्दै फाइनल पुगेको थियो।
उज्वेकिस्तानको टोलीसँग पराजित भएपछि पुलिस कीर्तिमानी सातौं पटक विजेता बन्ने अवसरबाट चुकेको छ।
पुलिसका शीशिर चौधरीले गरेको गोल सान्त्वना बन्यो। ७४ औँ मिनेटमा उज्वल राईको फ्रिकिकमा शीशिरले हेडर गोलमा पुलिस खेलमा फर्कने संकेत गर्यो ।
त्यसअघि नै ब्ल्याक बुल्सले आरामदायी अग्रता बनायो ।
४० औं मिनेटमा कप्तान जाकोन्गिर अक्माडोभको फ्रिकिक गोल ब्ल्याक बुल्सले सुरुवाती अग्रता बनायो।
पुलिसका प्रज्वल चौधरीले ब्ल्याक बुल्सका खेलाडीलाई फाउल गरेपछि पाहुना टोलीले फ्रिकिकको मौका पायो। त्यसलाई कप्तानले खेर जान दिएनन्। उनको शसक्त फ्रिकिक प्रहार पुलिसका गोलकिपर शत्रुधन चौधरीले बचाउने क्रममा पहिलो बारको जालीमा लाग्दै गोलमा परिणत भयो।
५९ औं मिनेटमा असिलबेक ओरिफजोनोभको गोलमा ब्ल्याक बुल्सले अग्रता दोब्बर पार्यो। अजिजबेकको क्रसलाई नियन्त्रणमा लिर्दै असिलबेकले गोल गरेका हुन्।
६६ औं मिनेटमा सभ्कात्जोन सत्तारोभले गोल गरेपछि ब्ल्याक बुल्सले ३-० को अग्रता बनायो।
त्यसअघि खेलको तेस्रो मिनेटमा नै पुलिसका सुनिल तामाङको क्रसमा मनिष सेडाइको हेडर ब्ल्याक बुल्सका गोलकिपरले पन्च गर्दै जोगाउँदा अग्रताको मौका गुमायो।
खेलको १५ औं मिनेटमा सुनिलको प्रहार पहिलो बारको नजिकबाट बाहिरियो। २२ औं मिनेटमा विवेक पाण्डेको फ्रिकिक ब्ल्याक बुल्सका डिफेन्डरले क्लियर गरे।
उपाधिसँगै ब्ल्याक बुल्सले १२ लाख १ हजार र पुलिस क्लबले ६ लाख १ हजार रुपैयाँमा प्राप्त गर्यो।
आहा गोल्डकप जित्ने ब्ल्याक बुल्स नवौं टोली हो । यसअघि पुलिस र मनाङ मस्र्याङ्दी क्लबले समान ६, थ्री स्टार क्लबले ५, संकटा क्लबले २ पटक , अफ्रिकन युनाइटेड, आयोजक सहारा क्लब पोखरा, एपिएफ र त्रिभुवन आर्मी फुटबल क्लब समान १ पटक च्याम्पियन बनेका थिए।
February 15, 2025
काठमाडौं (हाम्रो खेलकुद) – नेपाल सुपर लिग (एनएसएल) को टोली बुटवल लुम्बिनी फुटबल क्लब (बीएलएफसी) ले तेस्रो सिजनका लागि राष्ट्रिय टोलीका सदस्यद्वय एरिक विष्ट र मनिष डाँगीलाई अनुबन्ध गरेको छ । गत सिजन टोलीका मार्की खेलाडी रहेका एरिकलाई यसपटक बुटवलले ए श्रेणीको खेलाडीको भूमिकामा रिटेन गरेको छ । त्यस्तै मनिष डाँगीलाई भने क्लबले मार्की खेलाडीमा […]
February 15, 2025
काठमाडौं (हाम्रो खेलकुद) – नेपाल सुपर लिग (एनएसएल) को फ्रेन्चाइज टोली पोखरा थन्डर्सले तेस्रो संस्करणका लागि प्रशिक्षकमा सुमन श्रेष्ठलाई नियुक्त गरेको छ । सुरुवाती दुई सिजन नविन न्यौपाने प्रशिक्षक रहेको पोखराले यसपटक न्यौपाने चितवन गएपछि श्रेष्ठलाई अनुबन्ध गरेको हो । पछिल्लो समय लिग च्याम्पियन चर्च ब्वाइज युनाइटेडलाई मोफसलका प्रतियोगितामा हेरिरहेका श्रेष्ठ त्यसअघि भुटानको फुन्त्सोलिङ युनाइटेडमा […]
February 15, 2025
काठमाडौं (हाम्रो खोलकुद) – मैत्रीपूर्ण खेलमा चीनको युनान टिम विजयी भएको छ । नेपालको युवा टिमलाई २-० ले हराउँदै युनान टिमले जित निकालेको हो । चीनको नयाँ वर्षको अवसरमा अखिल नेपाल फुटबल संघ एन्फाको आयोजना र नेपालस्थित चीनको दूतावासको सहयोगमा आज दशरथ रङ्गशालामा भएको मैत्रीपूर्ण खेलमा चीनको युनान टिमले सुरूवातदेखि नै दबाब बनायो । खेलको […]
