ब्राइट होराइजन र सैनिक आवासीय सेमिफाइनलमा

काठमाडौं (हाम्रो खेलकुद)- मातातीर्थको ब्राइट होराइजन चिल्ड्रेन होम र सल्लाघारीको सैनिक आवासीय महाविद्यालय दोस्रो अन्तर विद्यालय सशस्त्र प्रहरी महानिरीक्षक रनिङ ट्रफी फुटबल प्रतियोगिताको सेमिफाइनलमा पुगेका छन् ।

कीर्तिपुरको ग्रिन भिलेज एजुकेशन फाउण्डेशन स्कुल टाइब्रेकरमा ५-४ ले हराउँदै ब्राइट होराइजन अन्तिम चारमा पुगेको हो। निर्धारित समय १-१ को बराबरीमा टुंगिएको थियो। ब्राइट होराइजनका सन्देश महतरा प्लेयर अफ दि म्याच घोषित भए।

सैनिक आवासीयले कीर्तिपुरको जनसेवा सेकेण्डरी स्कुललाई ३-२ ले पराजित गरेको हो । सैनिकका इसान तामाङ, सफल थापा र रोजित खत्रीले गोल गरे । सैनिकका सुदीप देवकोटा प्लेयर अफ दि म्याच घोषित भए।

प्रतियोगितामा शुक्रवार आयोजक कीर्तिपुरको नेपाल एपिएफ स्कुल ‘बी’ले साँगाको नेपाल पुलिस स्कुल तथा आयोजक ‘ए’ र कोहलपुरको नेपाल एपिएफ स्कुलबिच क्वाटरफाइनलमा खेल्नेछन्।