काठमाडौं ( हाम्रो खेलकुद)- नवीन न्यौपाने
नेपाल सुपर लिग (एनएसएल) फ्रेन्चाइजी टोली चितवन एफसीको मुख्य प्रशिक्षकमा नियुक्त भएका छन् ।

चितवनले आफ्ना अध्यक्ष सचिन ढकालसँगको तस्वीरसहित सामाजिक सन्जालमार्फत शुक्रवार न्यौपानेलाई मुख्य प्रशिक्षक नियुक्ति गरेको जनाएको थियो।

नयाँ चुनौतीका साथ चितवन एफसीमा आबद्ध भएको न्यौपानेले बताए । ‘चितवनको लक्ष्य पूरा गर्ने प्रयास गर्ने छौ,’उनले भने,’ यसलाई अवसर भन्दा बढी चुनौतीका रुपमा स्वीकार गरेर आबद्ध भएको हु।’

न्यौपाने एनएसएलमा प्रशिक्षण दिन लागेको यो दोस्रो टोली‌ हो । उनले पहिलो दुई सिजन पोखरा थन्डर्सलाई प्रशिक्षण दिएका थिए ।

अस्वस्थ्यता कारणले उनले पहिलो सिजनमा समय दिन सकेनन् । त्यति बेला पोखरा पहिलो चरणबाटै बाहिरिएको थियो। दोस्रो सिजनमा उनको प्रशिक्षण पोखराले प्ले अफ खेलेको थियो। चितवन दुवै सिजन लिग चरणबाटै बाहिरिएको थियो।

आफ्नै पूर्व क्लब मनाङ मर्स्याङ्दीबाट प्रशिक्षण यात्रा सुरु गरेका न्यौपानेले लामो समय त्रिभुवन आर्मी फुटबल क्लब सम्हालेका थिए । हाल उनी एन्फाको युवा परियोजनाका प्रमुख हुन् ।

एनएसएलको तेस्रो सिजन चैत१६  गते सुरु हुने बताइएको छ। नेपाल स्पोटर्स एन्ड इभेन्ट्स म्यानेजमेन्ट प्रा.लि (एनएसइएम) को आयोजनमा हुने एनएसएलको पहिलो सिजनमा ७ त दोस्रोमा ९ टोलीले भाग लिएका थिए।